ഗണിതശാസ്ത്രത്തില്‍ ഉന്നത വിജയക്കുതിപ്പുമായി ആഷിഖ്
Monday, September 7, 2015 7:46 AM IST
ഉംറ്റാറ്റ: ഗണിതശാസ്ത്രത്തിന്റെ സമഗ്ര വികസനം മുന്നില്‍ കണ്ടുകൊണ്ടു ലോകപ്രശസ്തമായ ഹോറയിസന്‍ എഡ്യുക്കേഷണല്‍ ട്രസ്റ് ഏര്‍പ്പെടുത്തിയിട്ടുള്ള ആഫ്രിക്കയിലെ മത്സരപരീക്ഷയില്‍ സൌത്ത് ആഫ്രിക്കയിലെ ഈസ്റേണ്‍ കേപ്പ് പ്രവിശ്യയില്‍നിന്നുള്ള ആഷിഖ് കളരിപ്പറമ്പില്‍ വിജയിയായി.

സ്വര്‍ണ മെഡലും സര്‍ട്ടിഫിക്കറ്റും ഒട്ടനവധി സമ്മാനങ്ങളും വാരിക്കുട്ടിയ ആഷിഖ്, പരീക്ഷയെഴുതിയ 13,500ല്‍ പരം പേരെ പിന്തള്ളിയാണ് ജേതാവായത്. ഇതോടെ ജോഹന്നസ്ബര്‍ഗില്‍ നടക്കുന്ന രാജ്യാന്തര മത്സരത്തില്‍ പങ്കെടുക്കാനുള്ള അര്‍ഹതയും കരസ്ഥമാക്കി. ഉംറ്റാറ്റായിലെ ട്രാന്‍സ്കായി പ്രൈമറി സ്കൂള്‍ എഴാം ക്ളാസ് വിദ്യാര്‍ഥിയാണ് ആഷിഖ്.

ഉംറ്റാറ്റ റെയിന്‍ബോ ക്ളാസ് കമ്പനിയുടെ ഏരിയ മാനേരും ആലപ്പുഴ വേഴപ്ര കളരിപ്പറമ്പില്‍ അഭിലാഷ് കെ. ജോണിന്റെയും ഉംറ്റാറ്റായില്‍ ലൈഫ് ഗ്രൂപ്പ് സെന്റ് മേരീസ് ആശുപത്രി നഴ്സിംഗ് സൂപ്രണ്ടന്റുമായ സ്വീറ്റി കെ. ജോണിന്റെയും ഏക പുത്രനാണ് ആഷിഖ്.
Copyright @ 2022 , Rashtra Deepika Ltd.