ആറാമത് കോതനല്ലൂര്‍ സംഗമം: ഒരുക്കങ്ങള്‍ അവസാനഘട്ടത്തില്‍
Wednesday, September 2, 2015 3:36 AM IST
മാല്‍വെണ്‍: ആറാമത് കോതനല്ലൂര്‍ സംഗമത്തിനു രണ്ടാഴ്ച അവശേഷിക്കെ ഒരുക്കങ്ങള്‍ അവസാനഘട്ടത്തില്‍.

സെപ്റ്റംബര്‍ 18നു (വെള്ളി) മുതല്‍ ഞായര്‍ വരെ മൂന്നു ദിവസങ്ങളിലായി മാല്‍വെണിലെ ഹൈബോള്‍ കണ്‍ട്രി സെന്ററിലാണ് ഈ വര്‍ഷത്തെ സംഗമ പരിപാടികള്‍. യുകെയുടെ പല ഭാഗങ്ങളിലായുള്ള കോതനല്ലൂര്‍ നിവാസികള്‍ തങ്ങളുടെ പങ്കാളിത്തം ഇതിനോടകം ഉറപ്പിച്ചുകഴിഞ്ഞു.

18നു (വെള്ളി) വൈകുന്നേരം ആറിന് ഒത്തുകൂടി 20നു വൈകുന്നേരം അവസാനിക്കുന്ന തരത്തിലാണ് പരിപാടികള്‍ ക്രമീകരിച്ചിരിക്കുന്നത്. പ്രസിഡന്റ് മാത്യു പുളിയോരത്തിന്റെയും സെക്രട്ടറി സന്തോഷ് ചെറിയാന്റെയും നേതൃത്വത്തില്‍ പ്രവര്‍ത്തിക്കുന്ന വിവിധങ്ങളായ കമ്മിറ്റികളാണ് സംഗമ പരിപാടികള്‍ക്ക് നേതൃത്വം നല്‍കുന്നത്.

വെള്ളിയാഴ്ച രാത്രി ഡിജെ ഡാന്‍സ് പെര്‍ഫോമന്‍സുകളും ശനിയാഴ്ച നടക്കുന്ന കലാപരിപാടികളും ഗെയിമുകളും ഔട്ട്ഡോര്‍ എന്റര്‍ടെയിന്‍മെന്റുകളുമെല്ലാം ഏവര്‍ക്കും മികച്ച വിരുന്നാകും.

കോതനല്ലൂരില്‍നിന്നും പരിസര പ്രദേശങ്ങളില്‍നിന്നും യുകെയിലേക്ക് കുടിയേറിയിരിക്കുന്നവര്‍ക്കും ഇവിടെനിന്നും വിവാഹം കഴിച്ചുപോയവര്‍ക്കും പരിപാടികളില്‍ പങ്കെടുക്കാം.

പരിപാടിയിലേക്ക് മുഴുവന്‍ കുടുംബാംഗങ്ങളേയും സെക്രട്ടറി സന്തോഷ് ചെറിയാന്‍ സ്വാഗതം ചെയ്തു.

വിവരങ്ങള്‍ക്ക്: മാത്യു പുളിയോരം 07807226696, സന്തോഷ് ചെറിയാന്‍ 07403856510, ബിന്‍സി റോജി 077 37979440, ജിന്റോ മാത്യു 07292870155.

റിപ്പോര്‍ട്ട്: സാബു ചുണ്ടക്കാട്ടില്‍
Copyright @ 2022 , Rashtra Deepika Ltd.