ടാമ്പാ അയ്യപ്പക്ഷേത്രത്തില്‍ രാമായണപാരായണവും, പിതൃതര്‍പ്പണവും ഓഗസ്റ് 14ന് : Deepika.com Nri News Americas

ടാമ്പാ: ലോകമെമ്പാടുമുള്ള മലയാളികള്‍ പുണ്യമാസമായി ആചരിക്കുന്ന കര്‍ക്കിടകത്തില്‍ രാമായണ പാരായണവും, ശ്രവണവും പുരാതന കാലം മുതല്‍ നടത്തിവരുന്നു. കര്‍ക്കിടകത്തിലെ വാവുബലി പിതൃക്കളുടെ മോക്ഷപ്രാപ്തിക്കായി നടത്തിവരുന്ന ചടങ്ങാണ്.

ഈ വര്‍ഷത്തെ കര്‍ക്കിടകവാവു ദിവസമായ ഓഗസ്റ് 14-നു ടാമ്പായിലെ ശ്രീഅയ്യപ്പക്ഷേത്രത്തില്‍ വച്ചു രാവിലെ ഒമ്പതു മുതല്‍ വൈകുന്നേരം ഒമ്പതുവരെ രാമായണ പാരായണവും, രാവിലെ 10.30 മുതല്‍ 12 വരെ വാവുബലി പിതൃതര്‍പ്പണ ചടങ്ങുകളും നടത്തപ്പെടും. ശ്രീഅയ്യപ്പക്ഷേത്രത്തിലെ മുഖ്യ കാര്‍മ്മികനായ രാധാകൃഷ്ണന്‍ നമ്പൂതിരിയോടൊപ്പം മയാമിയില്‍നിന്നുള്ള ഗോപന്‍ നായരും, സുരേഷ് നായരും കര്‍മങ്ങളുടെ ആചാര്യന്മാരായിരിക്കും. ഇരുവരും കേരള ഹിന്ദൂസ് ഓഫ് നോര്‍ത്ത് അമേരിക്കയുടെ ഭാരവാഹികളാണ്.

രാവിലെ ഒമ്പതു മുതല്‍ 10.30 വരെ രാമായണ പാരായണം, 10.30 മുതല്‍ 12 വരെ കര്‍ക്കിടക വാവുബലി പിതൃതര്‍പ്പണം, 12 മുതല്‍ ഒന്നു വരെ രാമായണ പ്രഭാഷണം (സ്റോറി സ്റൈല്‍), ഒന്നു മുതല്‍ ണ്ടു വരെ ഉച്ചഭക്ഷണം, രണ്ടു മുതല്‍ അഞ്ചു വരെ രാമായണ പാരായണം, അഞ്ചു മുതല്‍ ആറു വരെ രാമായണ കഥകള്‍, ആറു മുതല്‍ ഏഴു വരെ ഭജന, ഏഴു മുതല്‍ 7.30 വരെ ലളിതസഹസ്രനാമം, 7.30 മുതല്‍ 8.30 വരെ ശ്രീരാമപട്ടാഭിഷേകം, 8.30-നു ഡിന്നര്‍ എന്നിവയാണ് പരിപാടികള്‍.

കര്‍ക്കിടക വാവുബലിയില്‍ പങ്കെടുക്കാനാഗ്രഹിക്കുന്നവര്‍ രാവിലെ പത്തിനു മുമ്പായി ക്ഷേത്രത്തില്‍ എത്തിച്ചേരേണ്ടതാണ്. കൂടുതല്‍ വിവരങ്ങള്‍ക്ക്: ടി. ഉണ്ണികൃഷ്ണന്‍ (813 334 0123), പ്രദീപ് മരുത്തുപ്പറമ്പില്‍ (201 742 2065).

ശ്രീഅയ്യപ്പ ക്ഷേത്രത്തിന്റെ നിര്‍മാണ പ്രവര്‍ത്തനങ്ങള്‍ ഈ വര്‍ഷംതന്നെ ആരംഭിക്കുന്നതാണ്. കേരള വാസ്തു അനുസരിച്ച് പതിനെട്ടു പടികളോടെ ശബരിമല അയ്യപ്പക്ഷേത്രത്തിന്റെ മാതൃകയിലാണ് ടാമ്പായിലെ ക്ഷേത്രനിര്‍മാണം. ക്ഷേത്രനിര്‍മാണത്തില്‍ പങ്കെടുക്കാനാഗ്രഹിക്കുന്നവര്‍ ഡോ. രാധാകൃഷ്ണന്‍ (352 332 4907), രവി നായര്‍ (813 417 4781) എന്നിവരുമായി ബന്ധപ്പെടുക.

ആത്മയുടെ (അസോസിയേഷന്‍ ഓഫ് ടാമ്പാ ഹിന്ദു മലയാളീസ്) ആഭിമുഖ്യത്തില്‍ തുടര്‍ച്ചയായി രണ്ടാം തവണയാണു ക്ഷേത്രത്തില്‍ രാമായണ പാരായണം നടത്തുന്നത്.

റിപ്പോര്‍ട്ട്: ജോയിച്ചന്‍ പുതുക്കുളം