ഫാ. കുര്യാക്കോസ് പുതുപ്പാടി രചിച്ച 'ജ്ഞാനദീപങ്ങള്‍' പാത്രിയര്‍ക്കീസ് ബാവ പ്രകാശനം ചെയ്തു : Deepika.com Nri News Americas

സൌത്ത് ഫ്ളോറിഡ: ഫിലാഡല്‍ഫിയ ലാന്‍കാസ്റര്‍ ഹോസ്റ് റിസോര്‍ട്ടില്‍ 2015 ജൂലൈ 15 മുതല്‍ 18 വരെ നടത്തിയ, യാക്കോബായ സുറിയാനി സഭ നോര്‍ത്ത് അമേരിക്കന്‍ അതിഭദ്രാസനത്തിന്റെ യൂത്ത് ആന്‍ഡ് ഫാമിലി കോണ്‍ഫറന്‍സിനോടനുബന്ധിച്ച് 17-നു ചേര്‍ന്ന പൊതുസമ്മേളനത്തില്‍ വച്ചു ഫാ. കുര്യാക്കോസ് പുതാപ്പാടി രചന നിര്‍വഹിച്ച 'ജ്ഞാനദീപങ്ങള്‍' എന്ന പുസ്തകം ആകമാന സുറിയാനി സഭയുടെ പരമാധ്യക്ഷന്‍ മോറാന്‍ മോര്‍ ഇഗ്നാത്തിയോസ് അഫ്രേം രണ്ടാമന്‍ പാത്രിയര്‍ക്കീസ് ബാവ പ്രകാശനം ചെയ്തു.

ഈ അനുഗ്രഹീത മഹാ സമ്മേളനത്തില്‍ ഇടവക മെത്രാപ്പോലീത്ത യല്‍ദോ മോര്‍ തീത്തോസ് തിരുമേനി അധ്യക്ഷതവഹിച്ചു. കൂടാതെ സൌത്ത് അമേരിക്ക ആര്‍ച്ച് ബിഷപ്പ് യാക്കോബ് മോര്‍ എഡ്വോര്‍ഡ്, ക്നാനായ ഭദ്രാസനത്തിന്റെ ആര്‍ച്ച്ബിഷപ് ആയൂബ് മോര്‍ സില്‍വാനോസ്, കുര്യാക്കോസ് മോര്‍ സേവേറിയോസ്, പാത്രിയര്‍ക്കീസ് ബാവയുടെ സെക്രട്ടറി മാത്യൂസ് മോര്‍ തിമോത്തിയോസ്, അങ്കമാലി ഭദ്രാസനം മൂവാറ്റുപുഴ റീജിയന്റെ മാത്യൂസ് മോര്‍ അന്തീമോസ്, ഭദ്രാസന സെക്രട്ടറി വെരി റവ മാത്യൂസ് എടത്തറ കോര്‍എപ്പിസ്കോപ്പ, ഭദ്രാസന ട്രഷറര്‍ സാജു മാരോത്ത്, ഭദ്രാസന കൌണ്‍സില്‍ അംഗങ്ങള്‍ എന്നിവര്‍ സന്നിഹിതരായിരുന്നു.

'ജ്ഞാനദീപത്തില്‍' മഹാന്മാരുടെ വിജ്ഞാനമൊഴികള്‍ അറുപത്തിയേഴ് വിഷയങ്ങളില്‍ രണ്ടായിരത്തില്‍പ്പരം മഹത്വചനങ്ങള്‍ കൊണ്ട് സമ്പുഷ്ടമാണ്. ഗ്രന്ഥകാരന്‍ സൌത്ത് ഫ്ളോറിഡ സെന്റ് മേരീസ് യാക്കോബായ സുറിയാനി പള്ളി, ഓര്‍ലന്‍ഡോ സെന്റ് എഫ്രേം യാക്കോബായ സുറിയാനി പള്ളികളുടെയും വികാരിയായി ശുശ്രൂഷ ചെയ്തുവരുന്നു. പുസ്തകത്തെ സംബന്ധിച്ച കൂടുതല്‍ വിവരങ്ങള്‍ക്കു ബന്ധപ്പെടുക: ഫാ. കുര്യാക്കോസ് പുതുപ്പാടി 954 907 7154. സജി കരിമ്പന്നൂര്‍ അറിയിച്ചതാണിത്.

റിപ്പോര്‍ട്ട്: ജോയിച്ചന്‍ പുതുക്കുളം