'തൌബക്കായ്' പ്രകാശനം ചെയ്തു
Wednesday, June 3, 2015 6:10 AM IST
ദോഹ: ദോഹയിലെ കലാകാരനായ മുഹമ്മദലി വടകര നിര്‍മിച്ച 'തൌബക്കായ്' എന്ന മാപ്പിളപ്പാട്ട് ഓഡിയോ ആല്‍ബം ഗ്രാന്‍ഡ് മാര്‍ട്ട് ഗ്രൂപ്പ് റീജണല്‍ ഡയറക്ടര്‍ അമീര്‍ ചക്കാരത്തിന് ആദ്യ സിഡി നല്‍കി ഇന്‍ഫോ സാറ്റ് ഗ്രൂപ്പ് മാനേജിംഗ് ഡയറക്ടര്‍ അബ്ദുള്‍ റഹീം പ്രകാശനം ചെയ്തു.

ഒ.എം. കരുവാരക്കുണ്ട്, റാസിക് കാഞ്ഞിപ്പള്ളി, ആഷിര്‍ വടകര, ഫിറോസ് ജെ.പി. മട്ടന്നൂര്‍, അഫ്സല്‍ ഓമാനിയൂര്‍, നിസാര്‍ അല്‍ത്താനി എന്നിവരുടെ വരികള്‍ക്ക് സംഗീതം നല്‍കിയിരിക്കുന്നത് കൊച്ചിന്‍ ഷമീറാണ്. പ്രശസ്ത മാപ്പിളപ്പാട്ട് ഗായകരായ കണ്ണൂര്‍ ഷെരീഫ്, താജുദ്ദീന്‍ വടകര, സിന്ധു പ്രേം കുമാര്‍, ഷുഐബ് വടകര, മുഹമ്മദലി വടകര എന്നിവരാണു ഗാനങ്ങളാലപിച്ചത്.

സൌദിയ ഗ്രൂപ്പ് മാനേജിംഗ് ഡയറക്ടര്‍ എന്‍.കെ.എം. മുസ്തഫ സാഹിബ്, അക്കോണ്‍ ഗ്രൂപ്പ് മാനേജിംഗ് ഡയറക്ടര്‍ ഷുക്കൂര്‍ കിനാലൂര്‍, ട്രാന്‍സ് ഓറിയന്റ് മാനേജര്‍ കെ.പി. നൂറുദ്ദീന്‍, പാര്‍ട്സ് മാര്‍ട് മാനേജിംഗ് ഡയറക്ടര്‍ മുഹമ്മദ് മുസ്തഫ, മുഹമ്മദലി വടകര, അബ്ദുള്‍ ഫതാഹ് നിലമ്പൂര്‍ എന്നിവര്‍ സംബന്ധിച്ചു. മീഡിയ പ്ളസ് സിഇഒ അമാനുള്ള വടക്കാങ്ങര പരിപാടി നിയന്ത്രിച്ചു. മീഡിയ പ്ളസാണ് ആല്‍ബം ഖത്തറിലെത്തിക്കുന്നത്.
Copyright @ 2022 , Rashtra Deepika Ltd.