പാര്‍ട്സ് മാര്‍ട്ട് ഉദ്ഘാടനം ചെയ്തു
Saturday, May 23, 2015 7:33 AM IST
ദോഹ: ഓട്ടോമൊബൈല്‍ വിപണന രംഗത്തു കഴിഞ്ഞ ഒന്നര പതിറ്റാണ്ടു കാലത്തെ ശ്രദ്ധേയ സാന്നിധ്യമായ പാര്‍ട്സ് ലാന്റ് ഗ്രൂപ്പിന്റെ പുതിയ സംരംഭമായ പാര്‍ട്സ് മാര്‍ട്ട് ഷെയ്ഖ് ജാസിം ബിന്‍ ഥാമിര്‍ ഈസ ഥാമിര്‍ അല്‍ഥാനി ഉദ്ഘാടനം ചെയ്തു.

മാനേജിംഗ് ഡയറക്ടര്‍ മുഹമ്മദ് മുസ്തഫ, ബിസിനസ് ഡവലപ്മെന്റ് മാനേജര്‍ മുഹമ്മദ് ശാമില്‍, സെയില്‍സ് മാനേജര്‍ മുഹമ്മദ് റാഫി എന്നിവര്‍ ചടങ്ങിനു നേതൃത്വം നല്‍കി.

ജപ്പാന്‍, കൊറിയന്‍ നിര്‍മിത വാഹനങ്ങളുടെ എല്ലാ പാര്‍ട്സുകളും മിതമായ നിരക്കില്‍ ലഭ്യമാകുന്ന പാര്‍ട്സ് മാര്‍ട്സ് ഉപഭോക്താക്കള്‍ക്ക് മികച്ച സേവനങ്ങളാണ് നല്‍കുക. എല്ലാതരം ഓട്ടോമൊബൈല്‍ പാര്‍ട്ടുകളും ബാറ്ററികളും ലൂബ്രിക്കന്റ്സും ഒരേ കുടക്കീഴില്‍ ലഭ്യമാക്കുന്ന പാര്‍ട്സ് മാര്‍ട്ട് വക്കാലത്ത് സ്ട്രീറ്റിലാണ് പ്രവര്‍ത്തനമാരംഭിക്കുന്നത്. മെക്കാനിക്കല്‍ പാര്‍ട്സ്, എന്‍ജിന്‍ പാര്‍ട്സ്, സസ്പെന്‍ഷന്‍ പാര്‍ട്സ്, ബോഡിപാര്‍ട്സ്, റേഡിയേറ്റേറുകള്‍, വാഹനങ്ങളുടെ ലൈറ്റുകള്‍ എന്നിവയും പാര്‍ട്സ് മാര്‍ട്ടിന്റെ പ്രത്യേകതയായിരിക്കും.

മേല്‍ത്തരം സ്പോര്‍ട്സ് ഉപകരണങ്ങളുടെ വിപണന രംഗത്ത് പേരെടുത്ത സ്പോര്‍ട് വെല്ലിന്റെ സഹോദര സ്ഥാപനമാണ് പാര്‍ട്സ് മാര്‍ട്ട്.
Copyright @ 2022 , Rashtra Deepika Ltd.