കാറപകടത്തില്‍ മരിച്ച റിജോയ് റെജിയുടെ സംസ്കാരം മേയ് 13-ന്
Monday, May 11, 2015 2:40 AM IST
ഫിലഡല്‍ഫിയ: കാറപകടത്തില്‍ മരിച്ച റിജോയ് റെജി (17)യുടെ സംസ്കാരം മേയ് 13 ബുധനാഴ്ച നടത്തും. പൊതുദര്‍ശനം ചൊവ്വാഴ്ച 6.30 മുതല്‍ ഒമ്പതു വരെയും ബുധനാഴ്ച രാവിലെ ഒമ്പതു മുതല്‍ പതിനൊന്നു വരെയും ഇടവക പള്ളിയായ സെന്റ് ജോണ്‍സ് ഇന്ത്യന്‍ ഓര്‍ത്തഡോക്സ് ചര്‍ച്ചില്‍. (4400 സ്റ്റേറ്റ് റോഡ്, ഡ്രെക്സല്‍ ഹില്‍, പെന്‍സില്‍വേനിയ 19026).

ബുധനാഴ്ച പൊതുദര്‍ശനത്തിന്‍ ശേഷം സംസ്കാരം എസ്എസ് പീറ്റര്‍ ആന്‍ഡ് പോള്‍ സെമിത്തെരിയില്‍. (1600 സൌത്ത് സ്പ്രൌള്‍ റോഡ്, സ്പ്രിംഗ്ഫീല്‍ഡ്, പെന്‍സില്‍ വേനിയ19064)
അപ്പര്‍ ഡാര്‍ബി ഹൈസ്കൂള്‍ വിദ്യാര്‍ഥിയായിരുന്ന റിജോയ് മെയ് എട്ടിനു വെള്ളിയാഴ്ചയാണു നിര്യാതനായത്.

ഡ്രെക്സല്‍ ഹില്‍ സില്‍ താമസിക്കുന്ന മാന്നാര്‍ വടക്കേതില്‍ റെജി കോരുതിന്റെയും തിരുവല്ല പുളിക്കീഴ് ആലുമ്മൂട്ടില്‍ കുടുംബാംഗം എലിസബത്തിന്റെയും പുത്രനാണ്. ജിജോയി ഇരട്ട സഹോദരനാണ്. ജിനോയ് ആണു മൂത്ത സഹോദരന്‍. കൂടുതല്‍ വിവരങ്ങള്‍ക്ക്: ജോസഫ് മാത്യു (610 608 9823).

റിപ്പോര്‍ട്ട്: ജോസ് കാടാപുറം
Copyright @ 2022 , Rashtra Deepika Ltd.