കേരള അസോസിയേഷന്‍ സീനിയര്‍ ഫോറം ഏപ്രില്‍ 25ന്
Saturday, April 25, 2015 8:04 AM IST
ഗാര്‍ലന്റ്: കേരള അസോസിയേഷന്‍ ഓഫ് ഡാളസും ഇന്ത്യ കള്‍ച്ചറല്‍ ആന്‍ഡ് എഡ്യുക്കേഷന്‍ സെന്ററും സംയുക്തമായി സംഘടിപ്പിക്കുന്ന സീനിയര്‍ സിറ്റിസണ്‍ ഫോറം ഏപ്രില്‍ 25ന് (ശനി) രാവിലെ 10 മുതല്‍ 12 വരെ നടക്കും.

ഗാര്‍ലന്റ് ബ്രോഡ്വേയിലുള്ള കേരള അസോസിയേഷന്‍ കോണ്‍ഫറന്‍സ് ഹാളിലാണ് പരിപാടി.

സീനിയര്‍ സിറ്റിസണ്‍ ഫോറത്തിനോടനുബന്ധിച്ചു നടക്കുന്ന മെഡിക്കല്‍ സെമിനാറില്‍ ആയുര്‍വേദവും ആരോഗ്യവും എന്ന വിഷയത്തെ കുറിച്ചു തെങ്ങംപുരയ്ക്കല്‍ പുന്നൂസ് വൈദ്യന്‍ പ്രബന്ധം അവതരിപ്പിക്കും. ഡാളസ് ഫോര്‍ട്ടവര്‍ത്തിലെ സീനിയേഴ്സിനെ പരസ്പരം കാണുന്നതിനും ബന്ധം പുതുക്കുന്നതിനും വേദിയൊരുക്കുക എന്നതാണ് ഇതുകൊണ്ട് ഉദ്ദേശിക്കുന്നതെന്ന് ഭാരവാഹികള്‍ പറഞ്ഞു.

പരിപാടിയില്‍ വിനോദം, കായികമത്സരങ്ങള്‍ എന്നിവയും ഉച്ചഭക്ഷണവും ക്രമീകരിച്ചിട്ടുണ്ട്. പ്രവേശനം സൌജന്യമായ പരിപാടിയില്‍ എല്ലാവരും വന്ന് പങ്കെടുക്കണമെന്ന് അസോസിയേഷന്‍ പ്രസിഡന്റ് ബാബു സി. മാത്യുവും സെക്രട്ടറി റോയ് കൊടുവത്തും അഭ്യര്‍ഥിച്ചു.

റിപ്പോര്‍ട്ട്: പി.പി. ചെറിയാന്‍
Copyright @ 2022 , Rashtra Deepika Ltd.