സണ്ണി വാലി സിറ്റിയില്‍ ജിം ഫുപ് വീണ്ടും മേയര്‍ സ്ഥാനാര്‍ഥി
Saturday, April 25, 2015 8:00 AM IST
ഡാളസ്: കഴിഞ്ഞ രണ്ടു ദാശാബ്ദം കാലം സണ്ണിവാലേ സിറ്റിയുടെ പുരോഗമനത്തിനുവേണ്ടി പ്രവര്‍ത്തിച്ചുകൊണ്ടിരിക്കുന്ന ജിം ഫുപ് അടുത്ത തവണയും മേയര്‍ സ്ഥാനത്തിനു അങ്കം കുറിക്കുന്നു.

ഡാളസിലെ ഒരു ചെറിയ സിറ്റിയാണ് സണ്ണിവാലി. സുഖസമൃദ്ധമായ ജീവിതത്തിനു പറ്റിയ സിറ്റി. വികസന പ്രവര്‍ത്തനങ്ങള്‍ പുരോഗമിച്ചു കൊണ്ടിരിക്കുന്ന സിറ്റിയിലെ സ്കൂളിനെ ടെക്സസിലെ ഏറ്റവും മികച്ച സ്ഥാനത്തേക്ക് കൊണ്ടു വന്നതില്‍ ജിം ഫുപിന്റെ പ്രയത്നം സുത്യര്‍ഹമായിരുന്നു.

സ്കൂളിന്റെ വികസനത്തിനുവേണ്ടി ഫണ്ട് രൂപികരിച്ചതില്‍ ഫുപ്പിന്റെ പങ്കു എടുത്തു പറയേണ്ടിയിരിക്കുന്നു. സണ്ണിവാലി സ്കൂള്‍ ബോര്‍ഡിന്റെ ട്രസ്റി ആയും,പിടിഎ യുടെ പ്രസിഡന്റ് ആയും സേവനം അനുഷ്ടിച്ചിട്ടുണ്ട്.

ആറു പേരടങ്ങുന്ന നിലവിലുള്ള സിറ്റി കൌണ്‍സിലില്‍ ഒരു മലയാളി മെംബര്‍ ഉള്ളത് നമുക്ക് അഭിമാനിക്കാം. സജി ജോര്‍ജ് അടുത്തടുത്ത് രണ്ടു തവണ സിറ്റി കൌണ്‍സില്‍ മെംബര്‍ ആയി തുടരുന്നു. ജിം ഫുപിന്റെ വിജയത്തിനുവേണ്ടി സജി ജോര്‍ജ് സജീവമായി രംഗത്തുണ്ട്. വികസനം ഏറെ നടന്നു കൊണ്ടിരിക്കുന്ന സിറ്റിയില്‍ ജിം ഫുപിന്റെ വിജയം അനിവാര്യമാണെന്നാണ് സജിയുടെ പക്ഷം.

റിപ്പോര്‍ട്ട്: എബി മക്കപ്പുഴ
Copyright @ 2022 , Rashtra Deepika Ltd.