സൌത്ത്-വെസ്റ്റ് റീജണ്‍ മാര്‍ത്തോമ യുവജനസഖ്യം പട്ടക്കാര്‍ക്കു യാത്രയയപ്പ് നല്‍കി
Saturday, February 28, 2015 6:36 AM IST
ഡാളസ്: മൂന്നു വര്‍ഷത്തെ സേവന കാലാവധി പൂര്‍ത്തിയാക്കി സ്ഥലം മാറി പോകുന്ന സൌത്ത് വെസ്റ്റ് റീജണിലുളള മാര്‍ത്തോമ പട്ടക്കാര്‍ക്കു സൌത്ത്-വെസ്റ്റ് റീജണ്‍ യുവജന സഖ്യത്തിന്റെ ആഭിമുഖ്യത്തില്‍ സ്നേഹ നിര്‍ഭരായ യാത്രയയപ്പു നല്‍കി. ഡാലസ് സെന്റ് പോള്‍സ് മാര്‍ത്തോമ ചര്‍ച്ചില്‍ ഫെബ്രുവരി 21ന് (ശനിയാഴ്ച) റവ. സാം മാത്യുവിന്റെ അധ്യക്ഷതയില്‍ ചേര്‍ന്ന യാത്രയയപ്പ് യോഗത്തില്‍ സഖ്യം സെക്രട്ടറി അജു മാത്യു സ്വാഗതമാശംസിച്ചു.

സഭയായി തങ്ങളെ ഏല്പിച്ച ഉത്തരവാദിത്വം പൂര്‍ണമായും നിറവേറ്റാന്‍ കഴിഞ്ഞു എന്ന ചാരിതാര്‍ഥ്യത്തോടെയാണ് ഇടവകകളിലെ കാലാവധി പൂര്‍ത്തീകരിച്ചു. സഭ ഏല്പിക്കുന്ന പുതിയ ചുമതലകള്‍ ഏറ്റെടുക്കുവാന്‍ തയാറാകുന്നതെന്നു സ്വീകരണത്തിനു നന്ദി പ്രകാശിപ്പിച്ചുകൊണ്ടു പട്ടക്കാര്‍ പറഞ്ഞു.

റവ. ജോസ് സി. ജോസഫ് മാത്യു (ഫാര്‍മേഴ്സ് ബ്രാഞ്ച് മാര്‍ത്തോമ ചര്‍ച്ച്), റവ. ഒ. സി. കുര്യന്‍ (സെന്റ് പോള്‍സ് മാര്‍ത്തോമ ചര്‍ച്ച്), റവ. സജി തോമസ് (സെഹിയോന്‍ മാര്‍ത്തോമ ചര്‍ച്ച്), റവ. ഷിബു ഏബ്രഹാം (ഒക്കലഹോമ ചര്‍ച്ച്), റവ. ജോര്‍ജ് ജേക്കബ് (യൂത്ത് ചാപ്ളയിന്‍ ഡാലസ്), റവ. റോയ് തോമസ് (ഹൂസ്റ്റണ്‍ യൂത്ത് ചാപ്ളയിന്‍) എന്നിവരാണു സ്ഥലംമാറി പോകുന്ന പട്ടക്കാര്‍.

യാത്രയയപ്പു യോഗത്തില്‍ യുവജനസഖ്യത്തെ പ്രതിനിധീകരിച്ച് വൈസ് പ്രസിഡന്റ് ബാബു പി. സൈമണ്‍ ആശംസകള്‍ അറിയിച്ചു പ്രസംഗിച്ചു. ട്രഷറര്‍ ജോബി ജോണ്‍ നന്ദി പറഞ്ഞു. യുവജന സംഖ്യം സമാഹരിച്ച ഉപഹാരവും പട്ടക്കാര്‍ക്ക് നല്‍കി.

റിപ്പോര്‍ട്ട്: പി. പി. ചെറിയാന്‍
Copyright @ 2022 , Rashtra Deepika Ltd.