സൂസന്‍ ഹോക്ക് ഡാളസ് കൌണ്ടി പ്രഥമ വനിതാ ഡിഎയായി സത്യപ്രതിജ്ഞ ചെയ്തു
Friday, January 2, 2015 10:09 AM IST
ഡാളസ്: ഡാളസ് കൌണ്ടി ഡിസ്ട്രിക്ട് അറ്റോര്‍ണിയായി സൂസന്‍ ഹോക്ക് (44) ജനുവരി ഒന്നിന് (വ്യാഴം) രാവിലെ സത്യ പ്രതിജ്ഞ ചെയ്തു അധികാര മേറ്റെടുത്തു.

ഡാളസ് കൌണ്ടിയുടെ ചരിത്രത്തില്‍ ആദ്യമായാണ് ഒരു വനിത ഡിസ്ട്രിക്ട് അറ്റോര്‍ണിയായി ചുമതലയേല്‍ക്കുന്നത്. കഴിഞ്ഞ നവംബറില്‍ നടന്ന തിരഞ്ഞെടുപ്പില്‍ ഡിഎയുമായിരുന്ന ക്രേഗ് വാട്ട്കിന്‍സിനെ നേരിയ ഭൂരിപക്ഷത്തിലാണ് സൂസന്‍ പരാജയപ്പെടുത്തിയത്.

ഡെമോക്രാറ്റിക്ക് കോട്ടയായി അറിയപ്പെടുന്ന ഡാളസ് കൌണ്ടിയില്‍ പത്തു വര്‍ഷത്തിനുശേഷം ആദ്യമായാണ് റിപ്പബ്ളിക്കന്‍ സ്ഥാനാര്‍ഥിയായ സൂസന്‍ തിരഞ്ഞെടുപ്പില്‍ വിജയിക്കുന്നത്. മുന്‍ ഫെലൊനി പ്രോസിക്യൂട്ടര്‍, ക്രിമിനല്‍ കോര്‍ട്ട് ജഡ്ജ് എന്നീ നിലകളില്‍ സൂസന്‍ പ്രവര്‍ത്തിച്ചിട്ടുണ്ട്.

ഡിഎ എന്നത് ഏറ്റവും പ്രയാസകരമായ ജോലിയാണെന്നും എന്നാല്‍ ആത്മവിശ്വാസത്തോടെ പ്രവര്‍ത്തിച്ചു വിജയം നേടുവാന്‍ ആത്മാര്‍ഥമായി ശ്രമിക്കുമെന്ന് സത്യപ്രതിജ്ഞക്കുശേഷം നടത്തിയ പ്രസ്താവനയില്‍ സൂസന്‍ പറഞ്ഞു.

റിപ്പോര്‍ട്ട്: പി.പി ചെറിയാന്‍
Copyright @ 2022 , Rashtra Deepika Ltd.