കോംഗൊയില്‍ മലയാളികള്‍ അയ്യപ്പ വിളക്ക് നടത്തി
Tuesday, December 30, 2014 10:18 AM IST
കിന്‍ഷാസ: ആഫ്രിക്കന്‍ രാജ്യമായ കോംഗൊയുടെ തലസ്ഥാന നഗരമായ കിന്‍ഷാസയില്‍ മലയാളികള്‍ അയ്യപ്പ വിളക്ക് നടത്തി. കിന്‍ഷാസാ അയ്യപ്പ സേവാസംഘത്തിന്റെ ആഭിമുഖ്യത്തില്‍ കോംഗൊയിലെ മലയാളികള്‍ ഡിസംബര്‍ 27ന് അയ്യപ്പ വിളക്ക് ആഘോഷിച്ചു.

കോംഗൊ ഹിന്ദു മണ്ഡല്‍ അമ്പലത്തില്‍ നടന്ന അയ്യപ്പ പൂജയില്‍ ഭാഷ ഭേദമെന്യേ നൂറുകണക്കിനു ഭക്തജനങ്ങള്‍ പങ്കെടുത്തു.

പുലര്‍ച്ചെ 5.30 ന് തുടങ്ങിയ ഗണപതിഹോമത്തോടെ ആരംഭിച്ച ചടങ്ങുകള്‍ രാത്രി 11 ഓടെയുള്ള ഭക്തിസാന്ദ്രമായ ഹരിവരാസനത്തോടുകൂടെ സമാപിച്ചു. വിശേഷാല്‍ അയ്യപ്പ പൂജകളും കിന്ഷാസ അയ്യപ്പ സേവാസംഘത്തിന്റെ ഭജനയും ഉള്‍പ്പെട്ട പരിപാടികളില്‍ ഭക്തജനങ്ങള്‍ക്ക് നീരാഞ്ജനം വഴിവാട് നടത്തുന്നതിനുള്ള സൌകര്യം ഒരുക്കിയിരുന്നു.

ചടങ്ങില്‍ സേവാസംഘത്തിന്റെ ഔദ്യോഗിക വെബ് സൈറ്റ് പ്രകാശനം ഡോ. വെങ്കിട്ട് എസ്. സുരേഷ് (സിഇഒ പടിയത്ത് മെഡിസിറ്റി കിന്‍ഷാസാ) നിര്‍വഹിച്ചു,

റിപ്പോര്‍ട്ട്: രാജേഷ് രവി
Copyright @ 2022 , Rashtra Deepika Ltd.