കല കുവൈറ്റ്, യൂണിറ്റുകള്‍ക്ക് പുതിയ ഭാരവാഹികള്‍
Monday, December 29, 2014 10:10 AM IST
കുവൈറ്റ് സിറ്റി: കേരള ആര്‍ട്ട് ലവേഴ്സ് അസോസിയേഷന്‍, കല കുവൈറ്റ് മുപ്പത്തിയാറാം വാര്‍ഷിക സമ്മേളനത്തിന് മുന്നോടിയായുള്ള യൂണിറ്റ് സമ്മേളങ്ങള്‍ പുരോഗമിക്കുന്നു. വിവിധ മേഖലകളിലെ യൂണിറ്റ് വാര്‍ഷിക സമ്മേളങ്ങള്‍ ചേര്‍ന്ന് 2015 പ്രവര്‍ത്തന വര്‍ഷത്തേക്കുള്ള ഭാരവാഹികളെ തെരഞ്ഞെടുത്തു.

അബാസിയ കലാ സെന്ററില്‍ ചേര്‍ന്ന ഹസാവി യൂണിറ്റ് സമ്മേളനം കണ്‍വീനറായി കിരണ്‍ കെ.കെ.യെയും യൂണിറ്റിന്റെ ജോയിന്റ് കണ്‍വീനര്‍മാരായി ടി.പി.സലിം, നൌഫല്‍ എന്നിവരെയും 11 അംഗ യൂണിറ്റ് എക്സിക്യുട്ടീവീനെയും തെരഞ്ഞെടുത്തു.

ഫര്‍വാനിയ യൂണിറ്റ് സമ്മേളനം യൂനിറ്റിന്റെ പുതിയ ഭാരവാഹികളായി കെ.വി. നിസാര്‍ (കണ്‍വീനര്‍) ജനാര്‍ദ്ദനന്‍, ബാലകൃഷ്ണന്‍ എന്നിവരെ ജോയിന്റ് കണ്‍വീനര്‍മാരായും 17 അംഗ യൂണിറ്റ് എക്സിക്യുട്ടീവീനെയും തിരഞ്ഞെടുത്തു.

ഫഹഹീല്‍ കലാ സെന്ററില്‍ നടന്ന മംഗഫ് എ യൂണിറ്റ് സമ്മേളനം രവീന്ദ്രന്‍പിള്ളയെ യൂണിറ്റിന്റെ പുതിയ കണ്‍വീനറായും രജീഷ്, സിറാജ് എന്നിവരെ ജോയിന്റ് കണ്‍വീനര്‍മാരായും 17 അംഗ യൂണിറ്റ് എക്സിക്യുട്ടീവീനെയും തിരഞ്ഞെടുത്തു.

കലാ സെന്ററില്‍ ചേര്‍ന്ന അബാസിയ ബി യൂണിറ്റ് വാര്‍ഷിക സമ്മേളനം സുജിത്തിനെ പുതിയ കണ്‍വീനറായും പി.കെ സജീവ്, തോമസ് മാത്യു എന്നിവര്‍ ജോയിന്റ് കണ്‍വീനര്‍മാരും 13 അംഗ യൂണിറ്റ് എക്സിക്യുട്ടീവീനെയും തെരഞ്ഞെടുത്തു.

ജലീബ് യൂണിറ്റ് വാര്‍ഷിക സമ്മേളനം പുതിയ ഭാരവാഹികളായി വിജീഷ് (കണ്‍വീനര്‍), നിഖില്‍ സജീവന്‍ (ജോ. കണ്‍വീനര്‍മാര്‍) എന്നിവരെയും 15 അംഗ യൂണിറ്റ് എക്സിക്യുട്ടീവിനെയും തിരഞ്ഞെടുത്തു.

റിപ്പോര്‍ട്ട്: സലിം കോട്ടയില്‍
Copyright @ 2022 , Rashtra Deepika Ltd.