ഡാളസ് ക്രൈസ്റ് കിംഗ് ക്നാനായ ഇടവക സെമിത്തേരി വാങ്ങല്‍ അവസാന ഘട്ടത്തില്‍
Tuesday, November 25, 2014 5:45 AM IST
ഡാളസ്: കഴിഞ്ഞ ആറു മാസമായി ഡാളസിലെ ക്രൈസ്റ് ദി കിംഗ് ക്നാനായ ഇടവകയും, കോപ്പേല്‍ നഗരത്തില്‍ സ്ഥിതിചെയ്യുന്ന റോലിംഗ് ഒയ്കസ് മെമ്മോറിയല്‍ സെമിത്തേരി കമ്പനിയുമായി നടത്തിവന്നിരുന്ന സെമിത്തേരി വാങ്ങല്‍ ഇടപാടുകള്‍ പൂര്‍ത്തിയായി. കോപ്പേല്‍ സിടിയുടെ ഉടമസ്ഥതയിലുള്ള ഈ സെമിത്തേരിയില്‍ നിന്നും 161 പ്ളോട്ടുകള്‍ ഇടവക അംഗങ്ങള്‍ വാങ്ങിച്ചു ഈ പദ്ധതി വന്‍ വിജയമാക്കിതീര്‍ത്തു.

ഇടവക ദേവാലയത്തില്‍ നിന്നും പത്ത് മൈല്‍ അകലം മാത്രമേ ഉള്ളു സെമിത്തേരിയിലേക്ക് . കോപ്പേല്‍ നഗരത്തിലുള്ള സെന്റ് അല്‍ഫോന്‍സാ ഇടവകയും ഈ സംരഭത്തില്‍ സഹകരിച്ചു. രണ്ടു പള്ളികളുടെയും സെമിത്തേരി മധ്യത്തില്‍ സെന്റ് അല്‍ഫോന്‍സാ ചാപ്പലും കോപ്പേല്‍ സിടിയുടെ ചിലവില്‍ നിര്‍മ്മിിക്കുന്നതാണ്. ഈ പരിപാടികള്‍ക്ക് ഇടവക വികാരി ഫാ. ജോസഫ് ശൌര്യമാക്കല്‍ നേതൃത്വം നല്‍കി.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.