പി.സി. സനല്‍ കുമാറിന്റെയും മുന്‍ മന്ത്രി എം.വി. രാഘവന്റെയും നിര്യാണത്തില്‍ അനുശോചിച്ചു
Tuesday, November 11, 2014 9:02 AM IST
ന്യൂയോര്‍ക്ക്: പ്രസിദ്ധ ഹാസ്യസാഹിത്യകാരനും മുന്‍ കളക്ടറുമായിരുന്ന പി.സി. സനല്‍കുമാര്‍ ഐഎഎസിന്റേയും മുന്‍ മന്ത്രി എം.വി. രാഘവന്റേയും നിര്യാണത്തില്‍ ഹഡ്സണ്‍വാലി മലയാളി അസോസിയേഷന്‍ അനുശോചിച്ചു.

നവംബര്‍ 10 ന് (ഞായര്‍) വൈകുന്നേരം ഏഴിന് സ്പ്രിംഗ്വാലിയിലെ 13 പെല്‍ഹം അവന്യുവില്‍ കൂടിയ അനുശോചന യോഗത്തില്‍ പ്രസിഡന്റ് ജെയിംസ് ഇളംപുരയിടത്തില്‍ അധ്യക്ഷത വഹിച്ചു. സെക്രട്ടറി ജയപ്രകാശ് നായര്‍ സ്വാഗതം ആശംസിച്ചു.

മലയാള ഹാസ്യ സാഹിത്യത്തിന് വളരെയധികം സംഭാവന നല്‍കിയിട്ടുള്ള സനല്‍ കുമാറിന്റെ വേര്‍പാട് ഒരു തീരാനഷ്ടമാണെന്ന് ട്രസ്റീ ബോര്‍ഡ് ചെയര്‍മാന്‍ കുര്യാക്കോസ് തരിയന്‍ പറഞ്ഞു. മുന്‍ മന്ത്രി എം.വി. രാഘവന്റെ നിര്യാണം മൂലം ഒരു ധീരനായ നേതാവിനെയാണ് നമുക്ക് നഷ്ടമായതെന്നും അദ്ദേഹം പറഞ്ഞു. ഇരുവര്‍ക്കും ആദരാജ്ഞലികള്‍ അര്‍പ്പിച്ചുകൊണ്ട് ഫൊക്കാന എക്സിക്യൂട്ടീവ് വൈസ് പ്രസിഡന്റ് ഫിലിപ്പോസ് ഫിലിപ്പ്, അസോസിയേറ്റ് സെക്രട്ടറി ജോസഫ് കുരിയാപ്പുറം, ഫൊക്കാന ഓഡിറ്റര്‍ വര്‍ഗീസ് ഒലഹന്നന്‍, ട്രഷറര്‍ മത്തായി പി ദാസ്, പ്രസിഡന്റ് ഇലക്ട് ഷാജിമോന്‍ വെട്ടം, ജോയിന്റ് സെക്രട്ടറി അലക്സ് ഏബ്രഹാം, ജോയിന്റ് ട്രഷറര്‍ രാധാകൃഷ്ണന്‍ കുഞ്ഞുപിള്ള, ഇന്നസന്റ് ഉലഹന്നാന്‍, ട്രസ്റി ബോര്‍ഡ് മെംബര്‍ തോമസ് നൈനാന്‍ എന്നിവര്‍ പ്രസംഗിച്ചു.

റിപ്പോര്‍ട്ട്: ജയപ്രകാശ് നായര്‍
Copyright @ 2022 , Rashtra Deepika Ltd.