കരോള്‍ട്ടണില്‍ സൌത്ത് വെസ്റ്റ് റീജിയന്‍ സെന്റര്‍ യുവജനസഖ്യം കണ്‍വന്‍ഷന്‍ ഒക്ടോബര്‍ 24, 25, 26 തീയതികളില്‍
Tuesday, October 21, 2014 7:51 AM IST
കരോള്‍ട്ടണ്‍: സൌത്ത് വെസ്റ് റീജിയനും സെന്റര്‍ എയും സംയുക്തമായി സംഘടിപ്പിക്കുന്ന മാര്‍ത്തോമ യുവജനസഖ്യം കണ്‍വന്‍ഷന്‍ ഒക്ടോബര്‍ 24, 25, 26 (വെള്ളി, ശനി, ഞായര്‍) തീയതികളില്‍ മാര്‍ത്തോമ ചര്‍ച്ച് ഓഫ് ഡാളസ് കരോള്‍ട്ടണില്‍ നടക്കുമെന്ന് റീജിയന്‍ പ്രസിഡന്റ് ഫാ. ജോസ് സി. ജോസഫ് മാത്യു, വൈസ് പ്രസിഡന്റ് ബാബു പി. സൈമണ്‍ എന്നിവര്‍ അറിയിച്ചു.

വെളളി, ശനി ദിവസങ്ങളില്‍ വൈകിട്ട് 6.30 നും ഞായര്‍ രാവിലെ വിശുദ്ധ കുര്‍ബാനയോടനുബന്ധിച്ചും നടക്കുന്ന സുവിശേഷ യോഗങ്ങളില്‍ സുപ്രസിദ്ധ കണ്‍വന്‍ഷന്‍ പ്രാസംഗികനും വാഗ്മിയുമായ ഡീക്കന്‍ മാത്യു ജോണ്‍ ചിറയില്‍ വചന പ്രഘോഷണം നടത്തും.

ആധുനിക യുഗത്തില്‍ യുവജനങ്ങളുടെ ആത്മീയത എന്ന വിഷയത്തെ ആസ്പദമാക്കിയാണ് പ്രസംഗങ്ങള്‍ ക്രമീകരിച്ചിരിക്കുന്നത്. യോഗത്തിലേക്കു ഏവരേയും സ്വാഗതം ചെയ്യുന്നതായി യുവജന സഖ്യം ഭാരവാഹികള്‍ അറിയിച്ചു.

കൂടുതല്‍ വിവരങ്ങള്‍ക്ക് : സിബു ജോസഫ് : 214 507 0281, ബിജു ജോബി : 972 805 3046, അജു മാത്യു : 214 554 2610, സജു കോര : 972 400 1953

റിപ്പോര്‍ട്ട്: പി.പി. ചെറിയാന്‍
Copyright @ 2022 , Rashtra Deepika Ltd.