ജോസ് തയ്യില്‍ ഇന്തോ അമേരിക്കന്‍ പ്രസ്ക്ളബ് ഡയറക്ടര്‍ ബോര്‍ഡ് അംഗം
Monday, September 29, 2014 5:18 AM IST
ന്യൂയോര്‍ക്ക്: ഇന്തോ അമേരിക്കന്‍ പ്രസ്ക്ളബിന്റെ ഡയറക്ടര്‍ ബോര്‍ഡ് അംഗമായി മുതിര്‍ന്ന പ്രവാസി മാധ്യമപ്രവര്‍ത്തകന്‍ ജോസ് തയ്യിലിനെ തെരഞ്ഞെടുത്തു.

1981 മുതല്‍ അമേരിക്കയില്‍ നിന്നു പ്രസിദ്ധീകരിക്കുന്ന കൈരളി പത്രത്തിന്റെ ചീഫ് എഡിറ്ററും പബ്ളീഷറുമാണ് അദ്ദേഹം. 1978 ല്‍ കാനഡയില്‍ നിന്നു പ്രസീദ്ധീകരിച്ച മലയാളി പത്രത്തിന്റെ ചീഫ് എഡിറ്ററും പബ്ളീഷറുമായിരുന്നു.

പതിറ്റാണ്ടുകളായി അമേരിക്കയില്‍ മാധ്യമപ്രവര്‍ത്തനം നടത്തുന്ന ജോസ് തയ്യില്‍ പ്രവാസി മാധ്യമ പ്രവര്‍ത്തകര്‍ക്കിടയില്‍ സുപരിചിതനാണ്. മാധ്യമ പ്രവര്‍ത്തന രംഗത്ത് തന്റേതായ ശൈലി രൂപപ്പെടുത്തിയ അദ്ദേഹം വിവിധ വിഷയങ്ങളില്‍ നിരവധി ലേഖനങ്ങളാണ് ഏഴുതിയിട്ടുള്ളത്.

പതിറ്റാണ്ടുകളായി പത്രപ്രവര്‍ത്തന രംഗത്ത് സൌമ്യസാന്നിധ്യമായ ജോസ് തയ്യില്‍ ഡയറക്ടര്‍ ബോര്‍ഡ് അംഗമായത് പ്രസ്ക്ളബിന് മുതല്‍ക്കൂട്ടാണെന്ന് പ്രസിഡന്റ് അജയ്ഘോഷും എക്സിക്യൂട്ടീവ് വൈസ് പ്രസിഡന്റ് ഫാ. ജോണ്‍സണ്‍ പുഞ്ചക്കോണവും പറഞ്ഞു.
Copyright @ 2022 , Rashtra Deepika Ltd.