ഡെല്‍മ ഓണാഘോഷം സെപ്റ്റംബര്‍ 20-ന്
Wednesday, September 17, 2014 3:46 AM IST
ഡെലവെയര്‍: ഡെലവെയര്‍ മലയാളി അസോസിയേഷന്റെ (ഡെല്‍മ) ആഭിമുഖ്യത്തിലുള്ള ഈവര്‍ഷത്തെ ഓണാഘോഷം സെപ്റ്റംബര്‍ 20-ന് ശനിയാഴ്ച അതിഗംഭീരമായി ആഘോഷിക്കുന്നു. ഹോക്കെസിലുള്ള ഹിന്ദു ടെമ്പിള്‍ ഓഡിറ്റോറിയത്തിലാണ് ആഘോഷപരിപാടികള്‍ അരങ്ങേറുന്നത്. മുഖ്യാതിഥിയായി ഫോമയുടെ നിയുക്ത ജനറല്‍ സെക്രട്ടറി ഷാജി എഡ്വേര്‍ഡ് പങ്കെടുക്കും.

രാവിലെ പതിനൊന്നിന് മാവേലിയേയും മുഖ്യാതിഥികളേയും താലപ്പൊലിയുടേയും പുലിക്കളി, വാദ്യമേളങ്ങള്‍ എന്നിവയുടെ അകമ്പടിയോടെ എതിരേല്‍ക്കും. തുടര്‍ന്ന് ഡെലവെയര്‍ മലയാളികള്‍ പാചകം ചെയ്ത വിഭവസമൃദ്ധമായ ഓണസദ്യ, ഓട്ടന്‍തുള്ളല്‍, തിരുവാതിരകളി, വിവിധ കലാപരിപാടികള്‍ എന്നിവയുണ്ടായിരിക്കും. വൈകിട്ട് 5 മണിയോടുകൂടി പരിപാടികള്‍ സമാപിക്കും.

എല്ലാ ഡെല്‍മ കുടുംബാംഗങ്ങളേയും, മറ്റ് പ്രത്യേക ക്ഷണിതാക്കളേയും പരിപാടികളിലേക്ക് സ്വാഗതം ചെയ്യുന്നതായി ഡെല്‍മ പ്രസിഡന്റ് ലോറന്‍സ് അല്‍മേഡിയ, സെക്രട്ടറി നിവേദ രാജന്‍, ട്രഷറര്‍ ജോസ് ഔസോഫ്, എന്നിവരും മറ്റ് കമ്മിറ്റി അംഗങ്ങളും അറിയിച്ചു. അജിത് ചാണ്ടി അറിയിച്ചതാണിത്.

റിപ്പോര്‍ട്ട്: ജോയിച്ചന്‍ പുതുക്കുളം
Copyright @ 2022 , Rashtra Deepika Ltd.