മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റണ്‍ (മാഗ്) ഓണാഘോഷം സെപ്റ്റംബര്‍ ആറിന്
Thursday, September 4, 2014 7:50 AM IST
ഹൂസ്റണ്‍: മലയാളി അസോസിയേഷന്‍ ഓഫ് ഗ്രേറ്റര്‍ ഹൂസ്റണിന്റെ ഈവര്‍ഷത്തെ ഓണമഹോത്സവം സെപ്റ്റംബര്‍ ആറിന് സെന്റ് തോമസ് ഓര്‍ത്തഡോക്സ് കത്തീഡ്രലില്‍ (2411 എശളവേ ൃലല,ടമേളളീൃറ) നടത്തുന്നു. ഹൂസ്റണിലെ ഇന്ത്യന്‍ കോണ്‍സുലേറ്റ് ജനറല്‍ പി. ഹരീഷ് മുഖ്യാഥിതിയായിരിക്കും. റവ. സാജു മാത്യു ഓണസന്ദേശം നല്‍കും. ഗ്രാന്‍ഡ് കാന്യന്‍ യൂണിവേഴ്സിറ്റിയുടെ പ്രതിനിധി യിന്‍കാ ഒഗുണ്ടാരെ (ഇന്റര്‍നാഷണല്‍ അഡ്മിഷന്‍ കൌണ്‍സിലര്‍ ഗ്രാന്‍ഡ് കാന്യന്‍ യൂണിവേഴ്സിറ്റി), ബാബു തോമസ് തെക്കേക്കര (വാഷിംഗ്ടണ്‍) തുടങ്ങിയവര്‍ പങ്കെടുക്കും.

മഹാബലിയെ സ്വീകരിച്ചാനയിച്ചുകൊണ്ടുള്ള വര്‍ണശബളമായ ഘോഷയാത്ര, വിഭവ സമൃദ്ധമായ ഓണസദ്യ, ഹൂസ്റണിലെ വിവിധ ഡാന്‍സ് സ്കൂളുകളും മറ്റു കലാകാരന്മാരും അവതരിപ്പിക്കുന്ന വിവിധ കലാപരിപാടികള്‍ തുടങ്ങിയവ ഇത്തവണത്തെ ഓണാഘോഷങ്ങള്‍ക്ക് മാറ്റുകൂട്ടുമെന്ന് മാഗ് പ്രസിഡന്റ് മൈസൂര്‍ തമ്പി, സെക്രട്ടറി സുരേന്ദ്രന്‍ കോരന്‍, ട്രഷറര്‍ ജോസഫ് കെന്നഡി എന്നിവര്‍ അറിയിച്ചു.

റിപ്പോര്‍ട്ട്: ഏബ്രഹാം ഈപ്പന്‍
Copyright @ 2022 , Rashtra Deepika Ltd.