ഡാളസ് സെന്റ് മേരീസില്‍ ഇടവക തിരുനാളും എട്ടുനോമ്പ് ആഘോഷവും
Thursday, August 28, 2014 8:30 AM IST
ഡാളസ്: ഡാളസ് സെന്റ് മേരീസ് മലങ്കര കത്തോലിക്കാ ദേവാലയത്തില്‍ ആണ്ടു തോറും നടത്തിവരുന്ന എട്ട് നോമ്പാഘോഷവും ഇടവക തിരുനാളും ഓഗസ്റ് 29 (വെള്ളി) മുതല്‍ സെപ്റ്റംബര്‍ ഏഴ് (ഞായര്‍) വരെ വിവിധ പരിപാടികളോടെ ആഘോഷിക്കുന്നു.

29 ന് (വെള്ളി), 30 (ശനി) ദിവസങ്ങളില്‍ പ്രസിദ്ധ സുവിശേഷകന്‍ ബ്രദര്‍ സണ്ണി സ്റീഫന്റെ വചന പ്രഘോഷണത്തോടെ ആരംഭിച്ച് 31 ന് (ഞായര്‍) മലങ്കര സഭയിലെ രൂപതാധ്യക്ഷന്‍ റൈറ്റ് റവ. ഡോ. വിന്‍സന്റ് മാര്‍ പൌലോസിന്റെ നേതൃത്വത്തില്‍ ദിവ്യബലി അര്‍പ്പിക്കുന്നതും വിവിധ ഭക്ത സംഘടനകളും വാര്‍ഷിക ആഘോഷങ്ങളില്‍ പങ്കെടുക്കുന്നതുമാണ്.

സെപ്റ്റംബര്‍ ഒന്ന് (തിങ്കള്‍) മുതല്‍ സെപ്റ്റംബര്‍ ആറിന് (ശനി) വരെ യഥാക്രമം ഫാ. ഏബ്രഹാം വാവോലി മേപ്പുറത്ത്, ഫാ. സിനു പുത്തന്‍പുരക്കല്‍, ഫാ. ജോണ്‍സ്റി തച്ചാറ, ഫാ. കുര്യന്‍ നെടുവേലിചാലുങ്കല്‍, ഫാ. ജോസഫ് മേഗന്‍ തുടങ്ങിയ വൈദികരുടെ നേതൃത്വത്തില്‍ ദിവ്യബലിയും അര്‍പ്പിക്കും. എല്ലാ ദിവസവും വിശുദ്ധ കുര്‍ബാനാനന്തരം പരിശുദ്ധ മാതാവിനോടുള്ള ജപമാല മധ്യസ്ഥ പ്രാര്‍ഥന, പ്രത്യേക ഗാന,വചന ശുശ്രൂഷ എന്നിവ ഉണ്ടായിരിക്കും.

ആറിന് (ശനി) വൈകുന്നേരം ആഘോഷമായ തിരുനാള്‍ റാസക്കുശേഷം വിവിധ കലാപരിപാടികള്‍ ഉണ്ടായിരിക്കും.

പ്രസ്തുത പരിപാടികളില്‍ പങ്കെടുത്ത് അനുഗ്രഹീതരാകുവാന്‍ ഏവരെയും സ്വാഗതം ചെയ്തു.

കൂടുതല്‍ വിവരങ്ങള്‍ക്ക്: ഫാ. ജോസഫ് നെടുമാന്‍കുഴിയില്‍, ഫ്രാന്‍സിസ് ജോര്‍ജ് (ട്രസ്റി), മോന്‍സി ജോര്‍ജ് (സെക്രട്ടറി), തിരുനാള്‍ കോഓര്‍ഡിനേറ്റേഴ്സ്: ജിമ്മി കുളങ്ങര, സുജന്‍ കാക്കനാട്.

റിപ്പോര്‍ട്ട്: ജോസഫ് മാര്‍ട്ടിന്‍ വിലങ്ങോലില്‍
Copyright @ 2022 , Rashtra Deepika Ltd.