'റമദാന്‍ ദിനരാത്രങ്ങള്‍ വിശ്വാസിക്ക് വിജയപാത ഒരുക്കുന്നു'
Wednesday, July 23, 2014 8:13 AM IST
മനാമ: ഇഹത്തിലും പരത്തിലും ഗുണം നേടിയെടുക്കാന്‍ പരിശ്രമിക്കുന്നവനാണ് വിശ്വാസികളില്‍ ഏറ്റവും ഉത്തമനെന്നും ഇസ്ലാമിന്റെ അനുഷ്ടാനങ്ങള്‍ പഠിപ്പിക്കുന്നത് ഈ ധര്‍മബോധമാണെന്നു റമദാന്‍ മാസത്തിന്റെ ദിനരാത്രങ്ങള്‍ വിശ്വസിക്ക് ഈ വിജയ പാതയാണൊരുക്കുന്നെതെന്നും സമസ്ത ബഹ്റിന്‍ പ്രസിഡന്റ് സയ്യിദ് ഫക്റുദ്ദീന്‍ തങ്ങള്‍ പ്രസ്താവിച്ചു.

സമസ്ത ബഹ്റിന്‍ മനാമ മദ്രസ ഓഡിറ്റോറിയത്തില്‍ സംഘടിപ്പിച്ച ഇഫ്ത്താര്‍ സംഗമത്തില്‍ ഉദ്ബോധനം നടത്തുകയായിരുന്നു അദ്ദേഹം.

മുഹമ്മദ് മുസ്ലിയാര്‍ എടവണ്ണപ്പാറ, അന്‍സാര്‍ അന്‍വരി കൊല്ലം, കെഎംസിസി പ്രസിഡന്റ് എസ്.വി ജലീല്‍, ജനറല്‍ സെക്രട്ടറി ഹസൈനാര്‍ കളത്തിങ്കല്‍, റഫീക്ക് മലബാര്‍ ഗോള്‍ഡ്, സിയാദ് തങ്ങള്‍ ദുബൈ ഗോള്‍ഡ്, എം.പി റിയാസ് ഫരീദ ആന്‍ഡ് ബൂ അലി ഗ്രൂപ്പ്, ഷംസുദ്ദീന്‍ വെള്ളികുളങ്ങര ചന്ദ്രിക, തേവലക്കര ബാദ്ഷ, റഫീക്ക് അബ്ദുള്ള തുടങ്ങിയവര്‍ സംബന്ധിച്ചു. അബ്ദുള്‍ വാഹിദ്, കുഞ്ഞ്മുഹമ്മദ് ഹാജി, കളത്തില്‍ മുസ്തഫ, ശാഹീര്‍ കട്ടാംപള്ളി, ഉമറുല്‍ ഫാറൂക്ക് ഹുദവി, മൂസ മൌലവി എന്നിവര്‍ നേതൃത്വം നല്‍കി.
Copyright @ 2022 , Rashtra Deepika Ltd.