'ഖുര്‍ആനിലൂടെ റമളാനിലേക്ക്'; പ്രഭാഷണം ജൂണ്‍ 13ന് പാക്കിസ്ഥാന്‍ ക്ളബില്‍
Thursday, June 12, 2014 8:59 AM IST
മനാമ: വിശുദ്ധ റമദാനിനോടനുബന്ധിച്ച് സമസ്ത കേരള സുന്നീ ജമാഅത്ത് ബഹ്റൈന്‍ കേന്ദ്ര കമ്മിറ്റി സംഘടിപ്പിക്കുന്ന സിംസാറുല്‍ ഹഖ് ഹുദവിയുടെ ഏകദിന മത പ്രഭാഷണം ജൂണ്‍ 13ന് മനാമയിലെ പാക്കിസ്ഥാന്‍ ക്ളബില്‍ നടക്കും.

ജൂണ്‍ 13ന് (വെള്ളി) രാത്രി 8.30ന് മനാമയിലെ പാക്കിസ്ഥാന്‍ ക്ളബില്‍ നടക്കുന്ന മതപ്രഭാഷണത്തില്‍ ഖുര്‍ആനിലൂടെ റമദാനിലേക്ക് എന്ന വിഷയത്തിലാണ് സിംസാറുല്‍ ഹഖ് ഹുദവി പ്രഭാഷണം നടത്തുന്നത്.

അബൂദാബിയിലെ ബ്രിട്ടീഷ് ഇന്റര്‍നാഷണല്‍ സ്കൂളിലെ ഇസ്ലാമിക് പഠന വിഭാഗം തലവനും ബഹുഭാഷാ പണ്ഢിതനും വാഗ്മിയുമായ ഹുദവി യുഎഇയിലെ വിവിധ എമിറേറ്റുകളില്‍ നടക്കുന്ന വിവിധ പഠന സംഗമങ്ങള്‍ക്ക് നേതൃത്വം നല്‍കുന്നുണ്ട്. മലയാളത്തിനു പുറമെ ഇംഗ്ളീഷിലുള്ള പഠന ക്ളാസുകള്‍ക്കും ഖുര്‍ആന്‍ ക്ളാസുകള്‍ക്കും യുഎഇയില്‍ അദ്ദേഹം നേതൃത്വം നല്‍കി വരുന്നുണ്ട്.

വിശുദ്ധ റമദാന്‍ മാസത്തെ സ്വീകരിക്കാന്‍ വിശ്വാസികളെ തയാറാക്കുക എന്ന ലക്ഷ്യത്തോടെ വര്‍ഷംതോറും സമസ്ത കേരള സുന്നി ജമാഅത്ത് ബഹ്റൈന്‍ ഘടകം നടത്തി വരുന്ന അഹ്ലന്‍ റമളാന്‍ സംഗമത്തിന്റെ ഭാഗമായാണ് പരിപാടി ഒരുക്കുന്നതെന്നും ബഹ്റൈനിലെ മുഴുവന്‍ വിശ്വാസികളുടെയും സാന്നിധ്യം ചടങ്ങില്‍ ഉണ്ടായിരിക്കണമെന്നും സമസ്ത നേതാക്കള്‍ അഭ്യര്‍ഥിച്ചു.

വിശദവിവരങ്ങള്‍ക്ക്.39828718.
Copyright @ 2022 , Rashtra Deepika Ltd.