വിസ്ഡം ഹൈസ്കൂള്‍ സില്‍വര്‍ ജൂബിലി ആഘോഷങ്ങള്‍ക്ക് തുടക്കം കുറിച്ചു
Saturday, February 15, 2014 11:08 AM IST
അബുദാബി: അബുദാബിയിലെ വിസ്ഡം ഹൈസ്കൂള്‍ സില്‍വര്‍ ജൂബിലി ആഘോഷങ്ങള്‍ ഗൌരി പാര്‍വതി ഭായി തമ്പുരാട്ടി ഉദ്ഘാടനം ചെയ്തു. അബുദാബി ഇന്ത്യാ സോഷ്യല്‍ സെന്ററില്‍ സംഘടിപ്പിച്ച വാര്‍ഷിക ആഘോഷ പരിപാടിയില്‍ ഇന്ത്യന്‍ സ്ഥാനപതി കാര്യാലയത്തിലെ ഡപ്യൂട്ടി ചീഫ് ഓഫ് മിഷന്‍ നമൃത എസ്. കുമാറിനെ ആദരിച്ചു. സ്കൂള്‍ ചെയര്‍മാന്‍ ഡോ. ഫ്രാന്‍സിസ് ക്ളീറ്റസ് അധ്യക്ഷത വഹിച്ചു. കേണല്‍ മാക്കി സല്‍മാന്‍, ഇന്ത്യാ സോഷ്യല്‍ സെന്റര്‍ പ്രസിഡന്റ് തോമസ് ജോണ്‍, ഇസ്ലാമിക് സെന്റര്‍ പ്രസിഡന്റ് പി. ബാവ ഹാജി, എമിറേറ്റ്സ് ഫ്യൂച്ചര്‍ അക്കാഡമി പ്രിന്‍സിപ്പല്‍ ശുഭാന്തി ഭൌമിക് എന്നിവര്‍ ആശംസാ പ്രസംഗ ങ്ങള്‍ നടത്തി.

ടാലന്റ് പരീക്ഷയില്‍ വിജയികളായവര്‍ക്കും സ്കൂളില്‍ ദീര്‍ഘകാലമായി ജോലി ചെയ്യുന്ന അധ്യാപകര്‍ക്കും ഉപഹാരം സമ്മാനിച്ചു. വിസ്ഡം ഹൈസ്കൂള്‍ പ്രിന്‍സിപ്പല്‍ സജി ഉമ്മന്‍ സ്വാഗതവും സൂപ്പര്‍ വൈസര്‍ സാറാ ഡിസെല്‍ വാ നന്ദിയും പറഞ്ഞു. തുടര്‍ന്നു വിദ്യാര്‍ഥികളുടെ വിവിധ കലാ പരിപാടികളും അരങ്ങേറി.

റിപ്പോര്‍ട്ട്: അനില്‍ സി. ഇടിക്കുള
Copyright @ 2022 , Rashtra Deepika Ltd.