കോയമ്പത്തൂർ: കോർപറേഷന്‍റെ നോർത്ത് സോണിലെ ഒന്നാം വാർഡിൽ മേയർ രംഗനായകി ആരോഗ്യ സംരക്ഷണ സൗകര്യങ്ങളും സാമൂഹിക അടിസ്ഥാന സൗകര്യങ്ങളും കേന്ദ്രീകരിച്ച് പരിശോധന നടത്തി. ആദ്യം പെരിൻബ നഗറിലെ അർബൻ ഹെൽത്ത് സെന്‍റർ സന്ദർശിച്ചു. സ്ഥാപനത്തിന്‍റെ പ്രവർത്തനങ്ങൾ അവലോകനം ചെയ്യുകയും പ്രവർത്തനത്തെക്കുറിച്ച് മെഡിക്കൽ സ്റ്റാഫുമായി ചർച്ച ചെയ്തു.
അപ്പനായ്ക്കൻപാളയത്തെ കമ്യൂണിറ്റി ഹാളിൽ നടക്കുന്ന നവീകരണ പ്രവർത്തനങ്ങളും പരിശോധിച്ചു. നവീകരണത്തിന്‍റെ പുരോഗതി പരിശോധിച്ചു. പദ്ധതിയുടെ പൂർത്തീകരണം വേഗത്തിലാക്കാൻ ഉദ്യോഗസ്ഥർക്ക് നിർദേശം നൽകി. രണ്ട് സന്ദർശനങ്ങളിലും മേയർക്കൊപ്പം നോർത്ത് സോൺ കമ്മിറ്റി ചെയർമാൻ വി. കതിർവേൽ, അസിസ്റ്റന്‍റ് കമ്മീഷണർ ശ്രീദേവി, വാർഡ് കൗൺസിലർ കർപ്പഗം, അസിസ്റ്റന്‍റ് എൻജിനീയർ എഴിൽ, മറ്റ് കോർപറേഷൻ ഉദ്യോഗസ്ഥർ എന്നിവരും പങ്കെടുത്തു.