ആലത്തൂർ: പുതിയങ്കം ഗവ. യുപി സ്കൂൾ സോഷ്യൽ സർവീസ് സ്കീമിന്‍റേയും ആലത്തൂർ ബിആർസിയുടെ സ്ട്രീം ഹബ്ബ് പദ്ധതിയുടെയും ഭാഗമായി സെമിനാർ സംഘടിപ്പിച്ചു. സെമിനാർ ഗ്രാമപഞ്ചായത്ത് പ്രസിഡന്‍റ് എ. ഷൈനി ഉദ്ഘാടനം ചെയ്തു. വിദ്യാർഥികളായ ജി. ജിതിൻ, ജെ. ജിതിൻ കൃഷ്ണ, ആർ. നന്ദിത, എം. അസ് ലി എന്നിവർ പ്രബന്ധങ്ങൾ അവതരിപ്പിച്ചു. പിടിഎ പ്രസിഡന്‍റ് വി.ആർ. രമേഷ് അധ്യക്ഷത വഹിച്ചു.
ഗ്രാമപഞ്ചായത്ത് വൈസ് പ്രസിഡന്‍റ് ചന്ദ്രൻ പരുവക്കൽ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ കുമാരി, ഫസീല, ആറാം വാർഡ് മെംബർ യു. ഫാറൂഖ്, എഇഒ പി. ജയന്തി, ബിപിസി കെ.ബി. ബീന, എംപിടിഎ പ്രസിഡന്‍റ് ബി. സംഗീത, ഗ്രാമപഞ്ചായത്ത് മെംബർമാരായ കൊച്ചുകുമാരി, രമ രാജശേഖരൻ, രാജലക്ഷ്മി, സഞ്ജു, കൺവീനർ എം. ദിവ്യ, ഹെഡ്മാസ്റ്റർ വി.ജെ. ജോൺസൺ, സ്റ്റാഫ് സെക്രട്ടറി എ.ജെ സിനി എന്നിവർ പ്രസംഗിച്ചു.