വണ്ടിത്താവളം: പട്ടഞ്ചേരി പഞ്ചായത്ത് ശാന്തി ജംഗ്ഷനിൽ എംഎൽഎയുടെ ആസ്തിവികസന ഫണ്ടിൽ നിന്നുള്ള തുക ഉപയോഗിച്ച് നിർമിച്ച ബസ് കാത്തിരിപ്പുകേന്ദ്രം മന്ത്രി കെ. കൃഷ്ണൻകുട്ടി ഉദ്ഘാടനം ചെയ്തു. പട്ടഞ്ചേരി പഞ്ചായത്ത് പ്രസിഡന്‍റ് പി.എസ്. ശിവദാസ് അധ്യക്ഷനായി. അസിസ്റ്റന്‍റ് എൻജിനിയർ എസ്. സുധ റിപ്പോർട്ട് അവതരിപ്പിച്ചു.
പഞ്ചായത്ത് ഉപാധ്യക്ഷ അനില മുരളീധരൻ, കൊല്ലങ്കോട് ബ്ലോക്ക് സ്ഥിരംസമിതി അധ്യക്ഷരായ എം. നിസാർ, സി. മധു, പഞ്ചായത്ത് സ്ഥിരംസമിതി അധ്യക്ഷരായ വി. ഷൈലജ, എസ്. സുകന്യ രാധാകൃഷ്ണൻ, പഞ്ചായത്തംഗങ്ങളായ കെ. ചെമ്പകം, സുഷമ മോഹൻദാസ്, എസ്. ശെൽവൻ, പി. ശോഭന ദാസൻ, സതീഷ് ചോഴിയക്കാടൻ, എം. അനന്തകൃഷ്ണൻ, സെക്രട്ടറി എം.എസ്. ബീന, അസിസ്റ്റന്‍റ് സെക്രട്ടറി പി. ഹരിദാസ് എന്നിവർ പ്രസംഗിച്ചു.