കോയമ്പത്തൂർ: കോയമ്പത്തൂർ ദിതിപാളയത്തിന് സമീപം 150 അടിയോളം താഴ്ചയുള്ള കിണറ്റിൽ വീണ പുള്ളിമാനിനെ അഗ്നിശമനസേനാംഗങ്ങൾ രക്ഷപ്പെടുത്തി.
മധുകരൈ ഫോറസ്റ്റ് ഓഫീസർ, കരടിമൈറ്റ ഡിവിഷണൽ ഫോറസ്റ്റ് ഓഫീസർമാർ, വേട്ട വിരുദ്ധ സേനാംഗങ്ങൾ, ഫയർഫോഴ്സ് എന്നിവരുടെ നേതൃത്വത്തിൽ ഏറെ നേരത്തെ പരിശ്രമത്തിനൊടുവിലാണ് പുള്ളിമാനിനെ പുറത്തെടുത്തത്. തുടർന്ന് മാനിനെ വൈദ്യചികിത്സ നൽകി കരടിമട വനമേഖലയിലെ അഭയകേന്ദ്രത്തിലേക്ക് വിട്ടു.