നൊട്ടമലയിൽ മാ​ലി​ന്യ നി​ക്ഷേ​പം വ്യാ​പ​കം
Saturday, July 6, 2024 12:56 AM IST
മ​ണ്ണാ​ർ​ക്കാ​ട്: മ​ണ്ണാ​ർ​ക്കാ​ട് മേ​ഖ​ല​യി​ലെ മ​ല​യോ​ര പ്ര​ദേ​ശ​ങ്ങ​ളി​ൽ മാ​ലി​ന്യ നി​ക്ഷേ​പം വ്യാ​പ​ക​മാ​കു​ന്നു. പ്ര​ധാ​ന​മാ​യും ന​രി​യം​കോ​ട്, ആ​നമൂ​ളി, നൊ​ട്ട​മ​ല, കാ​പ്പ്പ​റ​മ്പ് എ​ന്നീ മേ​ഖ​ല​ക​ളി​ലാ​ണ് മാ​ലി​ന്യ നി​ക്ഷേ​പം വ്യാ​പ​ക​മാ​യി​രി​ക്കു​ന്ന​ത്.​ ഇ​തു​മൂ​ലം പ്ര​ദേ​ശ​വാ​സി​ക​ളും വ​ഴി​യാ​ത്ര​ക്കാ​രും ബു​ദ്ധി​മു​ട്ടി​ലാ​യി.​ പ്ലാ​സ്റ്റി​ക് മാ​ലി​ന്യ​ങ്ങ​ളും​ കോ​ഴി മാ​ലി​ന്യ​ങ്ങ​ളു​മാ​ണ് ഈ മേ​ഖ​ല​ക​ളി​ൽ നി​ക്ഷേ​പി​ക്കു​ന്ന​ത്.​

ഇ​തി​നെ​തി​രെ അ​ധി​കൃ​ത​ർ ക​ർ​ശ​നന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.​ ക​ഴി​ഞ്ഞ​ദി​വ​സം​ കാ​ഞ്ഞി​ര​പ്പു​ഴ ഗ്രാ​മ​പ​ഞ്ചാ​യ​ത്തി​ലെ​ ന​രി​യം​കോ​ട് കെ​ണ്ട​യ്ക്ക മ​ല​യി​ൽ പ്ലാ​സ്റ്റി​ക് മാ​ലി​ന്യ​ങ്ങ​ൾ ത​ള്ളി​യ ഒ​രാ​ളെ പി​ടി​കൂ​ടി​യി​രു​ന്നു. വ​നം വ​കു​പ്പാ​ണ് ഇ​യാ​ളെ പി​ടി​കൂ​ടി​യ​ത്. വി​യ്യ​കു​റി​ശി കോ​ഴി​ശേ​രി വീ​ട്ടി​ൽ ഹ​മീ​ദി​നെ​യാ​ണ് പി​ടി​കൂ​ടി​യ​ത്. മാ​ലി​ന്യം ത​ള്ളു​ന്ന​ത് ത​ട​യാ​നാ​യി രൂ​പീ​ക​രി​ച്ച ജ​ന​കീ​യ സ​മി​തി​യാ​ണ് മാ​ലി​ന്യ​ങ്ങ​ളു​മാ​യി ഇ​യാ​ളെ പി​ടി​കൂ​ടി​യ​ത്.


ഇ​ത്ത​ര​ത്തി​ലു​ള്ള സം​ഭ​വ​ങ്ങ​ൾ പ​ല ഭാ​ഗ​ങ്ങ​ളി​ലും ഉ​ണ്ടാ​യി​ട്ടു​ണ്ട്. മ​ണ്ണാ​ർ​ക്കാ​ട് ന​ഗ​ര​ത്തി​നോട് ചേ​ർ​ന്ന നൊ​ട്ട​മ​ല​യി​ൽ വ​ലി​യ രീ​തി​യി​ലാ​ണ് ആ​ളു​ക​ൾ മാ​ലി​ന്യം നി​ക്ഷേ​പി​ക്കു​ന്ന​ത്. രാ​ത്രി​യു​ടെ മ​റ​വി​ൽ​ ഇ​വി​ടെ മാ​ലി​ന്യം നി​ക്ഷേ​പി​ക്കു​ന്നവ​ർ​ക്കെ​തി​രെ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.​ മ​ഴ സ​ജീ​വ​മാ​യ​തോ​ടെ മാ​ലി​ന്യ​ങ്ങ​ൾ ഒ​ന്നാ​കെ​ റോ​ഡി​ലൂ​ടെ അ​ഴു​കി​കി​ട​ക്കു​ക​യാ​ണ്.​ ഇ​ത് പ​ല​ത​ര​ത്തി​ലു​ള്ള പ​ക​ർ​ച്ച​വ്യാ​ധി​ക​ൾ​ക്കും കാ​ര​ണ​മാ​കും. അ​ധി​കൃ​തർ ശക്തമായ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യിട്ടുണ്ട്.