മാ​ന​മൊ​ന്നു ക​റു​ത്താ​ൽ... കൊ​ല്ലം​കാ​ട്, മാ​ര​നെ​ട്ടി നി​വാ​സി​ക​ൾ ഒ​റ്റ​പ്പെ​ട​ലിന്‍റെ നിഴലിൽ
Saturday, July 6, 2024 12:56 AM IST
മ​ണി പ​നം​തോ​ട്ട​ത്തി​ൽ

അ​ഗ​ളി: മാ​നം ക​റു​ത്താ​ൽ അ​ട്ട​പ്പാ​ടി​യി​ലെ കൊ​ല്ലം​കാ​ട്, മാ​ര​നെ​ട്ടി നി​വാ​സി​ക​ളു​ടെ ഉ​ള്ളി​ൽ തീ​യാ​ണ്. ഏ​തു​നേ​രം ഒ​റ്റ​പ്പെ​ടു​മെ​ന്നു​ള്ള ആ​വ​ലാ​തി. ഷോ​ള​യൂ​ർ ഗ്രാ​മ പ​ഞ്ചാ​യ​ത്തി​ലെ മാ​ര​ന​ട്ടി കൊ​ല്ലം​കാ​ട് നി​വാ​സി​ക​ൾ​ക്ക് ജ​ന​വാ​സ കേ​ന്ദ്ര​വു​മാ​യി ബ​ന്ധ​പ്പെ​ടാ​ൻ അ​ഗ​ളി പ​ഞ്ചാ​യ​ത്തി​ലെ​ത്ത​ണം.

ഇ​രു​പ​ഞ്ചാ​യ​ത്തു​ക​ളെ ത​മ്മി​ൽ വേ​ർ​തി​രി​ക്കു​ന്ന ശി​ർ​വാ​ണി പു​ഴ​യാ​ണ് ഇ​തി​നു പ്ര​ധാ​ന ക​ട​മ്പ. ശി​ർ​വാ​ണി​പ്പു​ഴ ക​ര​ക​വി​ഞ്ഞാ​ൽ നൂ​റോ​ളം കു​ടും​ബ​ങ്ങ​ൾ ഒ​റ്റ​പ്പെ​ടും.

വ​ർ​ഷ​ങ്ങ​ളാ​യി ജ​ന​ങ്ങ​ൾ നേ​രി​ടു​ന്ന ഈ ​ദു​രി​ത​ത്തി​ന് ഇ​തു​വ​രെ പ​രി​ഹാ​ര​മാ​യി​ട്ടി​ല്ല. മു​ൻ​വ​ർ​ഷ​ങ്ങ​ളി​ൽ പു​ഴ ക​ര​ക​വി​ഞ്ഞ് ആ​ഴ്ച​ക​ളോ​ളം പ്ര​ദേ​ശം ഒ​റ്റ​പ്പെ​ട്ടി​രു​ന്നു.

ഏ​റെ സാ​ഹ​സി​ക​മാ​യാ​ണ് പോ​ലീ​സും റ​വ​ന്യൂ വ​കു​പ്പും മാ​ര​ന​ട്ടി ഊ​രി​ലേ​ക്ക് ഭ​ക്ഷ​ണ​വും മ​രു​ന്നും മ​റ്റ് അ​ടി​യ​ന്ത​ര സ​ഹാ​യ​ങ്ങ​ളും എ​ത്തി​ച്ച​ത്.


പു​ഴ​ക്ക് ഇ​രു​ക​ര​ക​ളി​ലു​മു​ള്ള വ​ൻ​മ​ര​ങ്ങ​ളെ കൂ​ട്ടി​യി​ണ​ക്കി നാ​ട്ടു​കാ​ർ നി​ർ​മി​ക്കു​ന്ന മു​ള​പ്പാ​ല​മാ​ണ് ഏ​ക ആ​ശ്ര​യം. ഇ​ത്ത​രം തൂ​ക്കു​പാ​ല​ങ്ങ​ൾ ചെ​ല​വേ​റി​യ​തും അ​പ​ക​ട​ക​ര​വു​മാ​ണ്.
മാ​ത്ര​മ​ല്ല ഇ​വ മ​ല​വെ​ള്ള​പ്പാ​ച്ചി​ലി​ൽ ഒ​ഴു​കി​പ്പോ​വു​ക​യും ചെ​യ്യും.

സ്കൂ​ൾ വി​ദ്യാ​ർ​ഥി​ക​ളും വ​യോ​ധി​ക​രു​മ​ട​ക്കം നി​ര​വ​ധി പേ​രാ​ണ് മ​ഴ​ക്കാ​ല​ത്തു തൂ​ക്കു​പാ​ല​ത്തെ ആ​ശ്ര​യി​ക്കു​ന്ന​ത്.

പ്ര​ദേ​ശം ഒ​റ്റ​പ്പെ​ടു​ന്ന സ​മ​യം പ​ഞ്ചാ​യ​ത്ത് അ​ധി​കൃ​ത​രും ജ​ന​പ്ര​തി​നി​ധി​ക​ളും നേ​താ​ക്ക​ന്മാ​രും സ്ഥ​ല​ത്തെ​ത്തി വാ​ഗ്ദാ​ന​ങ്ങ​ൾ ന​ൽ​കി മ​ട​ങ്ങു​ന്ന​ത​ല്ലാ​തെ തു​ട​ർ​ന​ട​പ​ടി​ക​ൾ ഉ​ണ്ടാ​കു​ന്നി​ല്ലെ​ന്നു നാ​ട്ടു​കാ​ർ ചൂ​ണ്ടി​ക്കാ​ട്ടി.

ഇ​നി​യും അ​നി​ഷ്ട സം​ഭ​വ​ങ്ങ​ൾ ഉ​ണ്ടാ​വാ​തെ സ​ർ​ക്കാ​ർ ഇ​ട​പെ​ട്ടു ഇ​രു​പ​ഞ്ചാ​യ​ത്തു​ക​ളെ​യും ബ​ന്ധി​പ്പി​ച്ച് സു​ര​ക്ഷി​ത​മാ​യ ന​ട​പ്പാ​ലം ഒ​രു​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.