ചാലക്കുടി: മാർക്കറ്റിൽ മാലിന്യം കുന്നുകൂടുന്നു. മാർക്കറ്റിൽ പുതിയ കെട്ടിടം നിർമിക്കുന്നതിനായി പൊളിച്ചുമാറ്റിയ സ്റ്റാളുകളുടെ സ്ഥലത്താണ് ഇപ്പോൾ മാലിന്യംതള്ളുന്നത്. പ്ലാസ്റ്റിക് - പച്ചക്കറി മാലിന്യങ്ങൾ ഇവിടെ കുന്നുകൂടിക്കിടന്ന് ദുർഗന്ധം വമിക്കുകയാണ്. നേരത്തെ മാർക്കറ്റിന്റെ പിൻവശത്തായിരുന്നു മാലിന്യംതള്ളിയിരുന്നത്. നഗരസഭ ഇവിടെനിന്നു മാലിന്യം നീക്കംചെയ്യുന്നില്ല. മാലിന്യങ്ങൾ തള്ളുന്നതിനെതിരെ നഗരസഭ ശക്തമായ നടപടികളുമായി മുന്നോട്ടുപോകുമ്പോഴാണു മാർക്കറ്റിൽ മാലിന്യങ്ങൾ നിറയുന്നത്.