കയ്പമംഗലം: ശ്രീനാരായണപുരം ഉൾപ്പെടെയുള്ള ഗ്രാമപഞ്ചായത്തുകളിലെ കടലോരമേഖലയിലെ വിവിധ സ്ഥലങ്ങളിൽ ജിയോബാഗ് നിർമാണം പൂർത്തീകരിച്ചു. മണ്ഡലത്തിലെ കരിങ്കൽഭിത്തി നിർമാണങ്ങൾ ഭാഗികമായി നടക്കുന്നുണ്ടെങ്കിലും തീരദേശത്തിന്‍റെ സമ്പൂർണ കടൽഭിത്തി നിർമാണമെന്ന സ്വപ്നം സാക്ഷാൽക്കരിക്കാനുള്ള പരിശ്രമം തുടരുമെന്നും സർക്കാർ പ്രഖ്യാപിച്ച ടെട്രോപാഡ് നിർമാണത്തിന്‍റെ നടപടിക്രമങ്ങൾ പുരോഗമിക്കുന്നുണ്ടെന്നും ഇ.ടി. ടൈസൺ എംഎൽഎ പറഞ്ഞു. കാലവർഷക്കെടുതിയുടെ ഭാഗമായി ഡിസാസ്റ്റർ മാനേജ്മെന്‍റ് നടപ്പാക്കുന്ന താൽക്കാലിക സംരക്ഷണഭിത്തിയുടെ നിർമാണപ്രവർത്തനങ്ങൾ എംഎൽഎ വിലയിരുത്തി.