പുന്നംപറമ്പ്: മച്ചാട് സാന്ത്വനം സൊസൈറ്റിയുടെ പ്രവർത്തനോദ്ഘാടനം തെക്കുംകര പഞ്ചായത്ത് ഓഫീസിനു മുൻവശം തറയിൽ ടവറിൽ നടന്നു.
എ.സി. മൊയ്തീൻ എംഎൽഎ ഉദ്ഘാടനം ചെയ്തു. സേവ്യർ ചിറ്റിലപ്പിള്ളി എംഎൽഎ പാലിയേറ്റീവ് ഉപകരണങ്ങൾ ഏറ്റുവാങ്ങി. സൊസൈറ്റി പ്രസിഡന്‍റ്് ടി.കെ. ഗോപാലകൃഷ്ണൻ അധ്യക്ഷത വഹിച്ചു.
ഡോ. കെ.ഡി. ബാഹുലേയൻ പാലിയേറ്റീവ് രോഗികൾക്കുള്ള ഓണക്കിറ്റ് വിതരണം ചെയ്തു. സൊസൈറ്റി സെക്രട്ടറി ടി. പരമേശ്വരൻ, മച്ചാട് പള്ളി വികാരി ഫാ. സെബി ചിറ്റിലപ്പിള്ളി, തെക്കുംകര പഞ്ചായത്ത് പ്രസിഡന്‍റ്് ടി.വി. സുനിൽകുമാർ, മുൻ ജില്ലാ പഞ്ചായത്ത് പ്രസിഡന്‍റ് മേരി തോമസ്, സിപിഎം ലോക്കൽ കമ്മിറ്റി സെക്രട്ടറിമാരായ എ.കെ. സുരേന്ദ്രൻ, എൻ.ജി. സന്തോഷ് ബാബു, തെക്കുംകര പഞ്ചായത്ത് വൈസ് പ്രസിഡന്‍റ്് ഇ. ഉമാലക്ഷ്മി, വടക്കാഞ്ചേരി ബ്ലോക്ക് പഞ്ചായത്ത് സ്ഥിരം സമിതി അധ്യക്ഷ എം.കെ. ശ്രീജ, കെ. നാരായണൻകുട്ടി, എം.എസ്. ഏലിയാമ്മ ടീച്ചർ, സുജാത ശ്രീനിവാസൻ, പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷൻ വിസി സജീന്ദ്രൻ തുടങ്ങിയവർ പ്രസംഗിച്ചു.