തൃശൂർ: പൗരസ്ത്യ കൽദായ സുറിയാനിസഭ ദി ബോർഡ് ഓഫ് സെൻട്രൽ ട്രസ്റ്റിന്‍റെ നേതൃത്വത്തിൽ കാൽഡിയൻ ചാരിറ്റി കമ്മിറ്റിയുടെ കീഴിൽ സഭയിലെ ഭിന്നശേഷിക്കാരുടെ ഉന്നമനത്തിനായി കരുതൽ കൂട്ടായ്മ രൂപീകരിച്ചു.
കരുതൽപരിപാടിയുടെ ഔദ്യോഗിക ഉദ്ഘാടനം ഡിസ്ട്രിക്ട് ലീഗൽ സർവീസ് അഥോറിറ്റി സെക്രട്ടറികൂടിയായ സബ് ജഡ്ജി സരിത രവീന്ദ്രൻ നിർവഹിച്ചു. മാർ ഔഗിൻ കുരിയാക്കോസ് മെത്രാപ്പോലീത്ത അധ്യക്ഷത വഹിച്ചു. ക്ലർജി സെക്രട്ടറിയും ചാരിറ്റി കമ്മിറ്റി പ്രസിഡന്‍റുമായ ഫാ. കെ.ആർ. ഈനാശു, വികാരി ജനറാൾ ഫാ. ജോസ് ജേക്കബ് വേങ്ങാശേരി, ഫാ. ജിനു ജോസ്, കേന്ദ്ര ട്രസ്റ്റി ബോർഡ് ചെയർമാൻ ജേക്കബ് ബേബി ഒലക്കേങ്കൽ, വൈസ് ചെയർമാൻ രാജൻ ജോസ് മണ്ണുത്തി, ചാരിറ്റി കമ്മിറ്റി സെക്രട്ടറി ലാലി റാഫേൽ എന്നിവർ പ്രസംഗിച്ചു. തുടർന്ന് ട്രസ്റ്റി ബോർഡ് അംഗം എ.വി. ഷാജുവിന്‍റെ നേതൃത്വത്തിൽ വിവിധ കലാപരിപാടികളും നടന്നു.