പെരിഞ്ഞനം: സ്കൂൾ പരിസരത്തുള്ള ലഹരി ഉത്പന്നങ്ങളുടെ വില്പന കർശനമായി തടയണമെന്ന് പെരിഞ്ഞനത്തു നടന്ന ബാലസംഘം കൊടുങ്ങല്ലൂർ ഏരിയ സമ്മേളനം ആവശ്യപ്പെട്ടു.
പെരിഞ്ഞനം വി.കെ ഗോപാലൻ സ്മാരക കമ്മ്യൂണിറ്റി ഹാളിൽ നടന്ന ബാല സംഘം ഏരിയ സമ്മേളനം സംസ്ഥാന കമ്മിറ്റിയംഗം അനന്തു സന്തോഷ് ഉദ്ഘാടനം ചെയ്തു. പ്രസിഡന്റ് ഇ.എസ്. ആമി അധ്യക്ഷത വഹിച്ചു. ബാലസംഘം ജില്ലാ പ്രസിഡന്റ് മുഹമ്മദ് അഷറഫ് സംഘടന റിപ്പോർട്ട് അവതരിപ്പിച്ചു.