ചാവക്കാട്: ടൗണ്‍ എംപ്ലോയ്‌മെന്‍റ് എക്‌സ്‌ചേഞ്ച് ചാവക്കാട് ബ്ലോക്ക് പഞ്ചായത്തിന്‍റെ സഹകരണത്തോടെ സംഘടിപ്പിച്ച സ്വയംതൊഴില്‍ ബോധവത്കരണ ശില്പശാല ബ്ലോക്ക് പഞ്ചായത്ത് പ്രസിഡന്‍റ് കെ. ആഷിദ ഉദ്ഘാടനംചെയ്തു.
വൈസ് പ്രസിഡന്‍റ് തെക്കുമുറി കുഞ്ഞുമുഹമ്മദ് അധ്യക്ഷനായി. ജില്ലാ എംപ്ലോയ്‌മെന്‍റ് ഓഫീസര്‍ എന്‍.വി. സമീറ, സിഎഫ്എല്‍ കോ-ഓര്‌ഡിനേറ്റര്‍ എം.എ. സവിത എന്നിവര്‍ ക്ലാസുകള്‍ക്ക് നേതൃത്വംനല്‍കി. പഞ്ചായത്ത് പ്രസിഡന്‍റുമാരായ സാലിഹ ഷൗക്കത്ത്, ജാസ്മിന്‍ ഷഹീര്‍, വിജിത സന്തോഷ്, ബ്ലോക്ക് പഞ്ചായത്ത് ക്ഷേമകാര്യ സ്റ്റാന്‍ഡിംഗ് കമ്മിറ്റി ചെയര്‍മാന്‍ കമറുദ്ദീന്‍, മിസിരിയ മുസ്താക്കലി, മന്ദലംകുന്ന് മുഹമ്മദുണ്ണി, ഷൈനി ഷാജി, വി.പി. മന്‍സൂറലി, ശുഭ ജയന്‍, ബിഡിഒ ധനീഷ്, എംപ്ലോയ്‌മെന്‍റ് ഓഫീസര്‍ ദിഷ ചന്ദ്ര, ജൂനിയര്‍ ഓഫീസര്‍ മുഹമ്മദ് ഷൗക്കത്തലി പ്രസംഗിച്ചു.