വാടാനപ്പിള്ളി: സെന്‍റ് ഫ്രാൻസിസ് സേവ്യേഴ്സ് ദേവാലയത്തിൽ ഇടവകമധ്യസ്ഥനായ വിശുദ്ധ ഫ്രാൻസിസ് സേവ്യറിന്‍റെയും വിശുദ്ധ അന്തോണീസിന്‍റെയും സംയുക്ത തിരുനാൾ ഇന്ന്. ഇന്നുരാവിലെ 6.30നും 10നും വിശുദ്ധ കുർബാന നടക്കും.
10നു ആഘോഷമായ തിരുനാൾ കുർബാനയ്ക്ക് ഭരത പള്ളി വികാരി ഫാ. റിജോ വിതയത്തിൽ മുഖ്യകാർമികത്വംവഹിക്കും. ചെങ്ങാലൂർ പള്ളി അസിസ്റ്റന്‍റ് വികാരി ഫാ. ഡിക്സൻ കൊളമ്പ്രത്ത് സന്ദേശംനൽകും. വാടാനപ്പിള്ളി പള്ളി വികാരി ഫാ. ഏബിൾ ചിറമ്മൽ സഹകാർമികനാവും. തുടർന്നു പ്രദക്ഷിണം നടക്കും. ഇന്നലെ വൈകീട്ട് അഞ്ചിന് വിശുദ്ധ അന്തോണീസിന്‍റെ കപ്പേളയിൽ ലദീഞ്ഞ്, നൊവേന, ജപമാല വിശുദ്ധ കുർബാന, തിരുസ്വരൂപം എഴുന്നള്ളിക്കൽ, പ്രസുദേന്തിവാഴ്ച എന്നിവ നടന്നു. ഇടവകാംഗം ഫാ. ജോയ് മാളിയേക്കൽ കാർമികനായി. ട്രസ്റ്റിമാരായ സി.എ. ലോനപ്പൻ, സി.എ. സോളമൻ, കെ.എഫ്. ജോസഫ്, ജനറൽ കൺവീനർ ഫ്രാൻസിസ് നെല്ലിശേരി എന്നിവർ തിരുനാളാഘോഷങ്ങൾക്കു നേതൃത്വംനൽകും.