മൂവാറ്റുപുഴ: യുവദീപ്തി കെസിവൈഎം കോതമംഗലം രൂപതയുടെ ആഭിമുഖ്യത്തിൽ ‘അരങ്ങ്’ എന്ന പേരിൽ രൂപത യുവജന കലോത്സവം തൊടുപുഴ ന്യൂമാൻ കോളജിൽ നടന്നു. തൊടുപുഴ ന്യൂമാൻ കോളജ് ബർസാർ ഫാ. ബെൻസണ്‍ നിരവത്തിനാൽ കലോത്സവം ഉദ്ഘാടനം ചെയ്തു. രൂപത പ്രസിഡന്‍റ് ജെറിൻ മംഗലത്തുകുന്നേൽ അധ്യക്ഷത വഹിച്ചു.
രൂപത ഡയറക്ടർ ഫാ. സെബാസ്റ്റ്യൻ വള്ളോപ്പിള്ളിൽ, രൂപത അസിസ്റ്റന്‍റ് ഡയറക്ടർ ഫാ. ജോർജ് പീച്ചാനികുന്നേൽ, രൂപത ആനിമേറ്റർ സിസ്റ്റർ റെറ്റി എന്നിവർ പ്രസംഗിച്ചു. 50ലധികം ഇടവകകളിൽ നിന്നായി 17 ലധികം ഇനങ്ങളിലായി 1500 ലധികം യുവജനങ്ങൾ കലോത്സവത്തിന്റെ ഭാഗമായി. രൂപത വൈസ് പ്രസിഡന്‍റ് ആൻമരിയ ജോസ് പതാക ഉയർത്തി.