മൂവാറ്റുപുഴ: ക്ലാസ് ആരംഭിച്ച് രണ്ടുമാസം പിന്നിട്ടിട്ടും ബിസിഎ ഒന്നാം വർഷ വിദ്യാർഥികളുടെ പഠനത്തിനാവശ്യമായ സിലബസ് ലഭിച്ചിട്ടില്ലെന്ന് പരാതി. എംജി യൂണിവേഴ്സിറ്റി മൂന്ന് ആഴ്ച്ചയിലേക്ക് മാത്രമായി നൽകിയ ബ്രിഡ്ജ് കോഴ്സിന് ആവശ്യമായുള്ള സിലബസ് മാത്രമാണ് നിലവിലുള്ളത്. എഐസിടിയിയാണ് സിലബസ് നൽകേണ്ടത്.
സിലബസ് ലഭിക്കാത്തതിനാൽ വിദ്യാർഥികളും അധ്യാപകരും വലിയ പ്രതിസന്ധിയിലാണ്. നിലവിൽ ഓട്ടോണോമസ് കോളജുകളിൽ ഒന്നാം വർഷ വിദ്യാർഥികളുടെ ഒന്നാം സെമസ്റ്റർ പരീക്ഷയ്ക്കൊപ്പം ബിസിഎ പരീക്ഷകൾ നടത്താൻ സാധിക്കാത്ത അവസ്ഥയിലാണ്. ദേശീയതലത്തിൽ ബാധിക്കുന്ന വിഷയത്തിൽ ഉടൻ പരിഹാരമുണ്ടാകണമെന്നതാണ് വിദ്യാർഥികളുടെ ആവശ്യം.