അങ്കമാലി: കറുകുറ്റി പഞ്ചായത്തിലെ രണ്ടാം വര്‍ഡില്‍ നീരോലിപ്പാറ അങ്കണവാടിക്കടുത്ത് മൊബൈല്‍ ടവര്‍ സ്ഥാപിക്കാനുള്ള നീക്കത്തിനെതിരേ പ്രദേശവാസികള്‍ പ്രതിഷേധ ധര്‍ണ നടത്തി. പഞ്ചായത്ത് പ്രസിഡന്‍റ് ലതിക ശശികുമാര്‍ ഉദ്ഘാടനം ചെയ്തു. പഞ്ചായത്തംഗം മേരി പൈലി അധ്യക്ഷത വഹിച്ചു.
ജില്ലാ പഞ്ചായത്തംഗം ഷൈനി ജോര്‍ജ്, പഞ്ചായത്ത് സ്ഥിരംസമിതി അധ്യക്ഷന്മാരായ മിനി ഡേവിസ്, കെ.പി. അയ്യപ്പന്‍, പഞ്ചായത്തംഗങ്ങളായ റോസി പോള്‍, ജോയി ജോസഫ്, പത്രോസ് മാസ്റ്റര്‍, ജോര്‍ജ് ചിറ്റിനപ്പിള്ളി, സുനില്‍ പീറ്റര്‍, ജിബി ചക്യേത്ത്, ആന്‍റണി ജോസഫ്, ഷിജോ ജോസഫ്, ബിജു നെടുവേലി, മിന്‍റോ പാലാട്ടി, ജോളി ജോസ് എന്നിവര്‍ പ്രസംഗിച്ചു.