പോത്താനിക്കാട്: ഞാറക്കാട് നിർമാണത്തിലിരിക്കുന്ന കെട്ടിടത്തിന്റെ മുകളിൽനിന്നും തൊഴിലാളി വീണു മരിച്ചു. ചേർത്തല കോടംതുരുത്ത് നികർത്തിൽ ഷിജു (46) ആണ് മരിച്ചത്.
സീലിംഗ് പണിക്കാരനായ ഷിജു ഇന്നലെ ഉച്ചയ്ക്ക് 12.30ന് ഭക്ഷണം കഴിക്കാനായി ഇറങ്ങവേ കാൽവഴുതി വീഴുകയായിരുന്നു. ഉടൻതന്നെ വണ്ണപ്പുറത്തെ സ്വകാര്യ ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. മൃതദേഹം മോർച്ചറിയിലേക്ക് മാറ്റി. പരേതൻ അവിവാഹിതനാണ്.