ആലങ്ങാട്: ആലുവ-പറവൂർ കെഎസ്ആർടിസി റോഡിൽ കോട്ടപ്പുറം ബിവ്റേജസ് ഔട്ട്‌‌‌ലെറ്റിനു മുന്നിൽനിന്നു മോഷ്ടിച്ച കാർ പാലക്കാടുനിന്ന് ഉപേക്ഷിച്ച നിലയിൽ കണ്ടെത്തി. രണ്ടു ദിവസം മുൻപാണു കോട്ടപ്പുറം ബിവ്റേജസിന് മുന്നിൽ പാർക്ക് ചെയ്തിരുന്ന കോട്ടപ്പുറം മുതിരപ്പറമ്പിൽ രാജേഷിന്‍റെ കാർ മോഷണം പോയത്. തുടർന്നു .
സിസി ടിവി കേന്ദ്രീകരിച്ചു പോലീസ് നടത്തിയ പരിശോധനയിൽ വാഹനം ആലുവ ഭാഗത്തേക്ക് പോയതായി കണ്ടെത്തിയിരുന്നു. കഴിഞ്ഞ ദിവസം കുതിരാൻ തുരങ്കത്തിനു സമീപം വാഹനം കണ്ടെത്തിയ പാലക്കാട് പോലീസാണ് ആലങ്ങാട് പോലീസിനെ വിവരമറിയിച്ചത്. തുടർന്ന് ഉടമ പോയി വാഹനം തിരികെ കൊണ്ടുവന്നു. മോഷ്ടാക്കൾ ഉപേക്ഷിച്ചു കടന്നുകളഞ്ഞതാണെന്ന് കരുതുന്നു.