ആലുവ: വാഹന പരിശോധനയ്ക്കിടെ ഒന്നരക്കിലോ കഞ്ചാവുമായി ഇതര സംസ്ഥാനത്തൊഴിലാളി പിടിയിൽ. പശ്ചിമ ബംഗാൾ സ്വദേശിയായ അബ്ദുൾ മജീദ് അബ്ബാസുദ്ദീൻ(46) ആണ് എടത്തല പോലീസിന്റെ പിടിയിലായത്.
ഐഎസ്ആർഒയ്ക്ക് സമീപത്തുനിന്ന് കഴിഞ്ഞ രാത്രിയാണ് വാഹന പരിശോധനയ്ക്കിടെ ഇയാളെ പിടികൂടിയത്. കഞ്ചാവ് കടത്താനുപയോഗിച്ച വാഹനവും പോലീസ് കസ്റ്റഡിയിൽ എടുത്തു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.