ആലുവ: നിർമാണം പുരോഗമിക്കുന്ന ഓപ്പൺ എയർ സ്റ്റേജിന് കേരള കെട്ടിട നിർമാണ ചട്ടങ്ങൾ (കെ എംബിആർ) ബാധകമല്ലെന്ന ഭരണപക്ഷത്തിന്റെ നിലപാട് എതിർത്ത് പ്രതിപക്ഷം. കഴിഞ്ഞ ദിവസം നടന്ന കൗൺസിൽ യോഗ മിനിറ്റ്സ് പുറത്ത് വന്നപ്പോഴാണ് ചട്ടങ്ങൾ പദ്ധതിക്ക് ബാധകമല്ലെന്ന അധ്യക്ഷന്റെ വിശദീകരണം രേഖപ്പെടുത്തിയത്.
നഗരസഭ നിർമിക്കുന്ന ഓപ്പൺ എയർ സ്റ്റേജിന് അപ്രൂവ്ഡ് പ്ലാൻ, ബന്ധപ്പെട്ട മലിനീകരണ നിയന്ത്രണ ബോർഡ്, റെയിൽവേ തുടങ്ങിയവയുടെ എൻഒസികൾ നേടിയിട്ടില്ലെന്നും സൈലന്റ് സോണിലായതും തടസം ഉണ്ടാക്കുമെന്ന് പ്രതിപക്ഷം കൗൺസിൽ യോഗത്തിൽ ചൂണ്ടിക്കാട്ടിയിരുന്നു. ഇത് നിർമാണത്തിന് ബാധകമല്ലെന്ന നിലപാട് അംഗീകരിക്കാനാകില്ലെന്ന് ബിജെപി പാർലമെന്ററി പാർട്ടി നേതാവ് ശ്രീകാന്ത് പറഞ്ഞു.