ആലങ്ങാട്: ആലങ്ങാട്-വരാപ്പുഴ റോഡിൽ നീറിക്കോടിൽ ഓട്ടോറിക്ഷ വൈദ്യുത പോസ്റ്റിലിടിച്ചു രണ്ടു പേർക്ക് പരിക്ക്. ഇന്നലെ ഉച്ചയ്ക്ക് 12.30 നായിരുന്നു അപകടം.
ആലങ്ങാട് - വരാപ്പുഴ റോഡിൽ നീറിക്കോട് കോളനിപ്പടി ഭാഗത്തു ബൈക്കിനെ മറികടക്കാൻ ശ്രമിക്കുമ്പോഴാണു നിയന്ത്രണം തെറ്റി പോസ്റ്റിൽ ഇടിച്ചത്. ഓടിക്കൂടിയ നാട്ടുകാർ ചേർന്നാണ് ഓട്ടോറിക്ഷയിൽ ഉണ്ടായിരുന്നവരെ വരാപ്പുഴയിലെ സ്വകാര്യ ആശുപത്രിയിലെത്തിച്ചത്.