മൂവാറ്റുപുഴ: ഏനാനെല്ലൂര്‍ ലയണ്‍സ് ക്ലബിന്റെയും നിര്‍മല മെഡിക്കല്‍ സെന്‍ററിന്‍റെയും സംയുക്താഭിമുഖ്യത്തില്‍ സൗജന്യ മെഡിക്കല്‍ ക്യാമ്പ് സംഘടിപ്പിച്ചു. ലയണ്‍സ് ക്ലബ് ഹാളില്‍ സംഘടിപ്പിച്ച മെഡിക്കല്‍ ക്യാമ്പ് ലയണ്‍സ് 318 സി ഡിസ്ട്രിക്ട് ഗവര്‍ണര്‍ രാജന്‍ നമ്പൂതിരി ഉദ്ഘാടനം ചെയ്തു.
200ലധികം പേര്‍ ക്യാമ്പില്‍ പങ്കെടുത്തു. മഞ്ഞപ്പിത്തം, ഡയബറ്റിക് പരിശോധനയും, ഹൃദ്രോഗ വിഷയത്തില്‍ സെമിനാറും ക്യാമ്പിനോടനുബന്ധിച്ച് സംഘടിപ്പിച്ചു.
ലയണ്‍ സന്തോഷ് മാലിക്കുന്നേല്‍ അധ്യക്ഷത വഹിച്ചു. ജില്ല ട്രഷറര്‍ സിബി ഫ്രാന്‍സിസ്, പ്രോഗ്രാം സെക്രട്ടറി ഷിന്‍സ് സെബാസ്റ്റ്യന്‍, നിര്‍മല മെഡിക്കല്‍ സെന്‍റര്‍ അഡ്മിനിസ്‌ട്രേറ്റീവ് ഡയറക്ടര്‍ സിസ്റ്റര്‍ ജെസി ജോസ് തുടങ്ങിയവര്‍ പ്രസംഗിച്ചു. ഇന്‍റര്‍നാഷണല്‍ കാര്‍ഡിയോളജിസ്റ്റ് ഡോ. ജൂബില്‍ മാത്യു, ഡോ. ടോംലിന്‍, ഡോ. ശിവാനന്ദ് എന്നിവര്‍ ക്യാമ്പിന് നേതൃത്വം നല്‍കി. ക്ലബ് ഭാരവാഹികളായ ജോമോന്‍ മലേക്കുടി, ബി. ജിതേഷ്, ലിബിന്‍ പോത്തനാമുഴി, കെ. മാത്യു തുടങ്ങിയവര്‍ പങ്കെടുത്തു. ക്യാമ്പില്‍ പങ്കെടുത്തവര്‍ക്ക് സൗജന്യ മരുന്ന് വിതരണവും നടത്തി.