കോതമംഗലം: നെല്ലിമറ്റം സെന്‍റ് ജോസഫ് യുപി സ്കൂളിൽ ദീപിക നമ്മുടെ ഭാഷാ പദ്ധതി തുടങ്ങി. ലയൺസ് ക്ലബ് ഓഫ് കോതമംഗലം ഗ്രേറ്ററിന്‍റെ റീഡിംഗ് എംപവർമെന്‍റ് ആക്ഷൻ പ്രോഗ്രാമുമായി സഹകരിച്ചു നടത്തുന്ന പദ്ധതി ക്ലബ് പ്രസിഡന്‍റ് ഡിജിൽ സെബാസ്റ്റ്യൻ ഉദ്ഘാടനം ചെയ്തു.
ദീപിക ഫ്രണ്ട്സ് ക്ലബ് രൂപത ഡയറക്ടർ ഫാ. ജോസ് കിഴക്കേൽ, സ്കൂൾ മാനേജർ ഫാ. ജോർജ് കുരിശുംമൂട്ടിൽ, പ്രധാനധ്യാപകൻ വിനു, ലയൺസ് റീജണൽ ചെയർമാൻ കെ.സി. മാത്യൂസ്, സോൺ ചെയർമാൻ ബെറ്റി കോരച്ചൻ, സെക്രട്ടറി കെ.എം. കോരച്ചൻ, ട്രഷറർ ടോണി ചാക്കോ, മാമ്മച്ചൻ സ്കറിയ, ജോർജ് മങ്ങാട്ട് എന്നിവർ പ്രസംഗിച്ചു.