മൂലമറ്റം: എംപ്ലോയീസ് ആന്‍ഡ് പെൻഷനേഴ്സ് കൾച്ചറൽ ഫോറത്തിന്റെ ആഭിമുഖ്യത്തിൽ ആരംഭിച്ച സാഹിത്യവേദിയുടെ ഉദ്ഘാടനം വൈഎംസിഎ ഹാളിൽ സാഹിത്യകാരൻ എസ്.ബി. പണിക്കർ നിർവഹിച്ചു. ഫോറം പ്രസിഡന്‍റ് എൻ.ബി. വിജയൻ അധ്യക്ഷത വഹിച്ചു.
കാക്കിപത്രം ആത്മകഥാ രചയിതാവ് വി.ജി. ബാലകൃഷ്ണനെയും എംജി സർവകലാശാല എംഎ മലയാളം പരീക്ഷയിൽ അഞ്ചാം റാങ്ക് നേടിയ പ്രിൻസി ജോയി കിഴക്കേലിനെയും ചടങ്ങിൽ ആദരിച്ചു. ഫോറം സെക്രട്ടറി സണ്ണി കൂട്ടുങ്കൽ, കുരുവിള ജേക്കബ്, സ്റ്റീഫൻ മംഗലത്തു കുന്നേൽ, ജോയി കിഴക്കേൽ, കെ.പി. പ്രദീപ്, റോബിൻ മേമന, സൈമി കൊല്ലം പറന്പിൽ, പോൾ ജോസഫ് തുടങ്ങിയവർ പ്രസംഗിച്ചു.