ദു​രി​താ​ശ്വാ​സ ക്യാ​ന്പി​ൽനി​ന്ന്് കു​ടും​ബ​ങ്ങ​ളെ മാ​റ്റി​പ്പാ​ർ​പ്പി​ച്ചു
Sunday, August 25, 2024 11:27 PM IST
മൂ​ന്നാ​ർ: മൂ​ന്നാ​ർ മൗ​ണ്ട് കാ​ർ​മ​ൽ ഓ​ഡി​റ്റോ​റി​യ​ത്തി​ലെ ദു​രി​താ​ശ്വാ​സക്യാ​ന്പി​ൽ ക​ഴി​ഞ്ഞി​രു​ന്ന ആ​റു കു​ടും​ബ​ങ്ങ​ളെ മാ​റ്റി​പാ​ർ​പ്പി​ച്ചു. മൂ​ന്നാ​ർ എം ​ജി ന​ഗ​റി​ലെ സ​ർ​ക്കാ​ർ ഹോ​മി​യോ ആ​ശു​പ​ത്രി കെ​ട്ടി​ട​ത്തി​ലേ​ക്കാ​ണ് മാ​റ്റി​പാ​ർ​പ്പി​ച്ചത്. മ​ഴ കു​റ​ഞ്ഞ സാ​ഹ​ച​ര്യ​ത്തി​ൽ മൂ​ന്നാ​റി​ലെ ക്യാ​ന്പ് പൂ​ട്ടാ​ൻ തീ​രു​മാ​നി​ച്ച​തി​നെത്തുട​ർ​ന്ന് ക്യാ​ന്പി​ലു​ണ്ടാ​യി​രു​ന്ന കു​ടും​ബ​ങ്ങ​ൾ റോ​ഡി​ൽ കു​ത്തി​യി​രു​ന്ന് പ്ര​തി​ഷേ​ധി​ച്ചി​രു​ന്നു. തു​ട​ർ​ന്ന് ഉ​ദ്യോ​ഗ​സ്ഥ​രു​ടെ​യും ജ​ന​പ്ര​തി​നി​ധി​ക​ളു​ടെ​യും നേ​തൃ​ത്വ​ത്തി​ൽ ന​ട​ന്ന സ​ർ​വ​ക​ക്ഷി യോ​ഗ​ത്തി​ലാ​ണ് ആ​ശു​പ​ത്രിക്കെട്ടി​ട​ത്തി​ൽ താ​ത്കാ​ലി​ക ക്യാ​ന്പ് തു​റ​ക്കാ​ൻ തീ​രു​മാ​നി​ച്ച​ത്.

അ​ഡ്വ.​എ.​രാ​ജാ എം​എ​ൽ​എ, ദേ​വി​കു​ളം സ​ബ് ക​ള​ക്ട​ർ വി.​എം. ജ​യ​കൃ​ഷ്ണ​ൻ, വി​വി​ധ രാഷ്‌ട്രീ യ ക​ക്ഷി നേ​താ​ക്ക​ൾ ഉ​ൾ​പ്പെ​ടെ​യു​ള്ള​വ​ർ യോ​ഗ​ത്തി​ൽ പ​ങ്കെ​ടു​ത്തു. മ​ഴ ശ​ക്തി​പ്പെ​ട്ട​തി​നെത്തുട​ർ​ന്ന് അ​പ​ക​ട സാ​ധ്യ​ത ക​ണ​ക്കി​ലെ​ടു​ത്താ​ണ് എം​ജി കോ​ള​നി​യി​ലെ കു​ടും​ബ​ങ്ങ​ളെ ക്യാ​ന്പി​ലേ​ക്ക് മാ​റ്റി​യി​രു​ന്ന​ത്. മ​ഴ അ​വ​സാ​നി​ച്ചി​ട്ടും കു​ടും​ബ​ങ്ങ​ൾ വീ​ടു​ക​ളി​ലേ​ക്ക് മ​ട​ങ്ങാ​ൻ ത​യാ​റാ​വാ​തെവ​ന്ന​പ്പോ​ൾ ത​ഹ​സി​ൽ​ദാ​ർ, വി​ല്ലേ​ജ് ഓ​ഫീ​സ​ർ അ​ട​ക്ക​മു​ള്ള ഉ​ദ്യോ​ഗ​സ്ഥ​ർ ക്യാ​ന്പി​ന്‍റെ പ്ര​വ​ർ​ത്ത​നം അ​വ​സാ​നി​പ്പി​ക്കു​ന്ന​താ​യി അ​റി​യി​ച്ചു. അ​തോ​ടെ​യാ​ണ് പ്ര​തി​ഷേ​ധ​വു​മാ​യി കു​ടും​ബ​ങ്ങ​ൾ തെ​രു​വി​ലേ​ക്ക​റ​ങ്ങി​യ​ത്.


ഏ​ഴ് ആ​ഴ്ച​യാ​യി മൂ​ന്നാ​ർ കാ​ർ​മ​ൽ ഓ​ഡി​റ്റോ​റി​യ​ത്തി​ൽ ന​ട​ന്നു വ​ന്നി​രു​ന്ന ക്യാ​ന്പി​ൽ എ​ഴു​പ​തോ​ളം അം​ഗ​ങ്ങ​ൾ ഉ​ണ്ടാ​യി​രു​ന്നു​വെ​ങ്കി​ലും മ​ഴ കു​റ​ഞ്ഞ​തോ​ടെ ബാ​ക്കി​യു​ള്ള കു​ടും​ബ​ങ്ങ​ൾ വീ​ടു​ക​ളി​ലേ​ക്ക് മ​ട​ങ്ങി​യി​രു​ന്നു.