തെള്ളകം: കാരിത്താസ് നഴ്‌സിംഗ് സ്കൂൾ പൂര്‍വവിദ്യാര്‍ഥി സംഗമത്തിന്‍റെ രണ്ടാം വാര്‍ഷിക പൊതുയോഗം കാരിത്താസ് ഡയമണ്ട് ജൂബിലി ഹാളില്‍ നടത്തി. പൂര്‍വ വിദ്യാര്‍ഥികള്‍ പങ്കെടുത്ത യോഗം കാരിത്താസ് ഹോസ്പിറ്റല്‍ ആന്‍ഡ് ഇന്‍സ്റ്റിറ്റ്യൂട്ട് ഓഫ് ഹെല്‍ത്ത് സയന്‍സ് ഡയറക്ടര്‍ റവ.ഡോ. ബിനു കുന്നത്ത് ഉദ്ഘാടനം ചെയ്തു.
1965ല്‍ തുടങ്ങിയ നഴ്‌സിംഗ് സ്‌കൂളില്‍നിന്ന് 2024ല്‍ ക്യുഎഎസ് എപ്ലസ് അക്രഡിറ്റേഷനില്‍ വരെ എത്തിനില്‍ക്കുന്ന നഴ്‌സിംഗ് കോളജിന്‍റെ വളര്‍ച്ചയെക്കുറിച്ചു പ്രിന്‍സിപ്പല്‍ പ്രഫ. ട്വിങ്കിള്‍ മാത്യു വിശദീകരിച്ചു. സ്‌കൂള്‍ ഓഫ് നഴ്‌സിംഗിലെ ആദ്യ അഞ്ചു ബാച്ചില്‍നിന്നു വന്നവരെയും കോളജ് ഓഫ് നഴ്‌സിംഗിലെ ആദ്യ ബാച്ചില്‍നിന്നു വന്നവരെയും ഫലകം നല്‍കി ആദരിച്ചു. സ്‌കൂള്‍ ഓഫ് നഴ്‌സിംഗിലെ ആദ്യ ബാച്ച് അംഗമായ സിസ്റ്റര്‍ ഗ്രേസി ഓട്ടപ്പിള്ളി ആദ്യകാല അനുഭവങ്ങള്‍ പങ്കുവച്ചു.