കുമരകം: കുമരകത്ത് സവാരിക്ക് വിളിച്ചുവരുത്തിയ ഓട്ടോ ഡ്രൈവറെ ക്രൂരമായി മർദിച്ചു. ഇന്നലെ വൈകുന്നേരം കുമരകം തെക്ക് മുത്തേരിമടയിലാണ് സംഭവം.
കുമരകം ചന്തക്കവലയിൽ ഓട്ടോ ഡ്രൈവറായ കോയിക്കൽചിറ ഷിജോ ദേവസ്യക്കാണ് മർദനമേറ്റത്. ഫോണിലൂടെയാണ് സവാരിക്കായി ഷിജോയെ മുത്തേരിമടയിലേക്കു വിളിച്ചത്. അവിടെ എത്തിയ ഷിജോയുടെ ഫോൺ നിലത്തെറിഞ്ഞു പൊട്ടിച്ച ശേഷം ക്രൂരമായി മർദ്ദിക്കുകയായിരുന്നു. തലയ്ക്കും നടുവിനും കാര്യമായി പരിക്കേറ്റ ഷിജോ കോട്ടയം മെഡിക്കൽ കോളജിൽ ചികിത്സ തേടി.